ચકલીની જરૂરિયાત અને સમસ્યા

ભારતીય ટપાલ વિભાગ દ્વારા ઈ.સ. ૨૦૧૦માં ચકલી પર સંગ્રહિત ટપાલ ટિકિટ પ્રકાશિત થઈ હતી

♦ ચકલી સ્વસ્થ રહેવા માટે ધૂળસ્નાન, જળસ્નાન, સૂર્યસ્નાન, કીડી સ્નાન, પ્રિનિંગ, તેલમાલિશ વગેરે ક્રિયા કરતી હોય છે. શહેરમાં કોંક્રિટિંગ અને પેવિંગ બ્લોકને લીધે ધૂળ અને પ્રદૂષિત નાળા-નદીના લીધે શુદ્ધ પીવાલાયક જળ દુર્લભ થઈ ગયા છે.

♦ મંદિરમાં ચકલી સાકર ફુટાણાં અને અન્ય તેલયુક્ત અન્ન, ચિપ્સ, ફરસાણ, વેફર ખાય છે જે તેમના આરોગ્ય માટે હાનિકારક છે, એવું સંશોધનમાં સિદ્ધ થયું છે.

♦ હાલમાં અનાજ કંતાનને બદલે નાયલોન ગુણીમાં આવતું હોવાથી સૂતળીના બદલે નાયલોનના દોરા માળામાં વાપરવાથી ઘણી વખત બચ્ચાં તેમાં અટકાઈને મરવાની શક્યતા વધી જાય છે.

♦ વૃક્ષતોડ વધુ પ્રમાણમાં થવાથી રાતવાસો દુર્લભ થયો છે.