ദീർഘാരോഗ്യം ആയുർവേദത്തിന്റെ സന്ദേശം

ആയുർവേദത്തിന്റെ ആരോഗ്യദർശനം ഏറെക്കുറെ സമഗ്രമാണ്. പ്രകൃതിയിൽ നിന്ന് ഉരുത്തിരിഞ്ഞു വന്നതാണ് ഈ സമഗ്രത. പുലരി മുതൽ പുലരിവരെയുള്ള ജീവിതയാമങ്ങളെ എങ്ങനെ സർഗാത്മകമാക്കണമെന്നാണ് ആയുർവേദത്തിലെ പ്രതിപാദ്യം

- ഡോ.കെ.മുരളീധരൻ അഡീഷണൽ ചീഫ്ഫിസിഷ്യൻ ആര്യവൈദ്യശാല, കോട്ടയ്ക്കൽ

ആരോഗ്യധിഷ്ഠിതമായ (Health oriented) ശാസ്ത്രമാണ് ആയുർവേദം. രോഗാധിഷ്ഠിതമായ ചിന്തകളും ചർച്ചകളും അതിന്റെ സ്വാഭാവികമായ പിൻതുടർച്ചയാകുന്നു. ആയുർവേദത്തിന്റെ ആരോഗദർശനം ഏറെക്കുറെ സമഗ്രമാണ്. പ്രകൃതിയിൽ നിന്ന് ഉരുത്തിരിഞ്ഞു വന്നതാണ് ഈ സമഗ്രത. പുലരി മുതൽ പുലരി വരെയുള്ള ജീവിതയാമങ്ങളെ എങ്ങനെ സർഗാത്മകമാക്കണമെന്നാണ് ആയുർവേദത്തിലെ പ്രതിപാദ്യം. ഇവിടത്തെ സർഗാത്മകത ആരോഗ്യസംബന്ധിയാണ്.

രോഗമുള്ളവരിലും ആരോഗ്യമുണ്ട്. അത്തരം ആരോഗ്യഭാവങ്ങളെ സംരക്ഷിച്ചുകൊണ്ടിരുന്നാൽ രോഗങ്ങളുടെ അധീശ്വത്വം കുറയ്ക്കുവാൻ കഴിയും. ഉദാഹരണമായി പ്രമേഹരോഗി അന്യഥാ ആരോഗ്യവാനെങ്കിൽ പ്രമേഹം മൂലമുള്ള ആരോഗ്യപ്രശ്നങ്ങൾ തീവ്രമാകുകയില്ല.

ആരോഗ്യമെന്നാൽ ബലമാകുന്നു. നിങ്ങൾ നിങ്ങളുടെ ബലത്തെ സംരക്ഷിച്ചാൽ ബലം നിങ്ങളെ സംരക്ഷിക്കും.' ഇതത്രെ ആയുർവേദത്തിന്റെ പ്രധാന ആരോഗ്യസന്ദേശം. "ബലാധിഷ്ഠാനമാരോഗ്യം ആരോഗ്യാർത്ഥ ക്രിയാക്രമം എന്ന് ശാസ്ത്രം.

മേലെഴുതിയ ലക്ഷ്യപ്രാപ്തിക്ക് ആയുർവേദം ശുപാർശ ചെയ്യുന്ന മാർഗങ്ങളിലേയ്ക്കുള്ള ഒരു എത്തിനോട്ടമാകുന്നു ഇനിയുള്ള കുറിപ്പുകൾ.

ആഹാരം സമീകൃതം