ஆஸ்கர் வாங்குவது எப்படி?

அமெரிக்காவைச் சேர்ந்த ‘அகடமி ஆஃப் மோஷன் பிக்சர் அண்ட் சயின்சஸ்' எனும் அமைப்பினால் வழங்கப்படும் ஒரு விருதுதான் ஆஸ்கர். அதாவது இந்தியாவில் வழங்கப்படும் தேசிய விருது போன்றது இது.

- த.சக்திவேல்

ஆனால், ஒவ்வொரு வருடமும் ஆஸ்கர் விருது வழங்கும்போது அமெரிக்காவில் பிரச்னை வெடிக்கிறதோ இல்லையோ, இந்தியாவில் நிச்சயமாக பிரச்னைகள் வெடிக்கும்.

ஏன் இந்தப் படத்துக்கு ஆஸ்கர் கொடுத்தார்கள்... ஏன் இந்தப் படத்துக்குக் கொடுக்கவில்லை... இந்தப் பாட்டு ஆஸ்கருக்குத் தகுதியே இல்லை... போன்ற விவாதங்கள் டீக்கடை பெஞ்சிலிருந்து, சமூக வலைத்தளங்கள் வரை எல்லா இடங்களிலும் அரங்கேறும்.

இந்த ஆண்டு ‘ஆர்ஆர்ஆர்’ படத்தில் இடம்பெற்ற 'நாட்டு நாட்டு...' பாடலும், 'த எலிபண்ட் விஸ்பரர்ஸ்' ஆவணக் குறும்படமும் ஆஸ்கரைத் தட்டியபோது இது தான் நிகழ்ந்தது. இந்நிலையில் ஆஸ்கர் விருதுக்கான பின்னணிகளைப் பார்ப்பது அவசியமாகிறது.