న్యూ ఇయర్ ప్లాన్

అది కొత్త సంవత్సరం మొదటి రోజు. జనవరి 1వ తేదీ. సాహిల్ అతని స్నేహితులు తమ ఇంటికి సమీపంలోని తోటలో ఆడుకుంటున్నారు. 

- సిద్ధేశ్ భూసానే

అది కొత్త సంవత్సరం మొదటి రోజు. జనవరి 1వ తేదీ. సాహిల్ అతని స్నేహితులు తమ ఇంటికి సమీపంలోని తోటలో ఆడుకుంటున్నారు. మధ్యాహ్నానికి ఆట ముగించుకుని అందరూ తమ ఇళ్లకు తిరిగి రాసాగారు.

సాహిల్ వెళ్లబోతుంటే అతని స్నేహితుల్లో ఒకరు కవిత “మీ న్యూ ఇయర్ రెజొల్యూషన్ ఏమిటి? నేను మా అమ్మకు ఇంటి పనుల్లో సహాయం చేద్దామని నిర్ణయించుకున్నాను” అని చెప్పింది. సాహిల్ స్నేహితుల్లో మరొకరు నీలేష్ “నేను క్రమం తప్పకుండా వ్యాయామం, యోగా చేయాలని తీర్మానించుకున్నాను" అని చెప్పాడు.ఇలా ఒక్కొక్కరుగా అందరూ తమ రెజొల్యూషన్స్ చెప్పారు.

అందరి మాటలు విన్న తర్వాత సాహిల్ "నేను ఇంకా అనుకోలేదు. ఇంటికి వెళ్లి నిర్ణయించుకుని రేపు చెబుతాను” అన్నాడు.

సాహిల్ ఇంటికి చేరుకోగానే, తన గదిలో కూర్చొని రెజొల్యూషన్ గురించి ఆలోచించసాగాడు. సాహిల్ సోదరి సరా అతడు అన్యమనస్కంగా ఉండటం చూసి “ఏమైంది సాహిల్, ఈ రోజు ఎందుకు అంతగా విచార పడుతున్నావు?” అంది.

సాహిల్ బదులిస్తూ “నా స్నేహితులంతా నూతన సంవత్సర తీర్మానాలు చేసారు. కానీ నేను ఇంకా నిర్ణయం తీసుకోలేదు. నా కోసం ఒకటి నిర్ణయించుకోవడానికి సహాయం చేస్తావా?” అని అడిగాడు. “తప్పకుండా సాహిల్. కానీ నువ్వు దానికి సంవత్సరమంతా కట్టుబడి ఉండాలి. చాలామంది

ఒకటి కంటే ఎక్కువ తీర్మానాలు చేస్తారు. కొందరు ఒకటి లేదా రెండు రోజులు మాత్రమే తమ తీర్మానాలు అమలు చేస్తారు. తర్వాత దాని గురించి మరిచిపోతారు. కానీ నువ్వు ఎప్పటికీ దానికి కట్టుబడి ఉండాలి. ఈ సంవత్సరానికే కాదు జీవితాంతం నువ్వు ఈ తీర్మానం గుర్తుంచుకోవాలి” చెప్పింది సరా.