உடலை குளிர்விக்கும் முலாம்பழம்!

கோடை காலம் நம்மை பாடாய்படுத்தும் காலமாகும். சூரியனின் வெம்மையான கதிர்கள், அனல்காற்று, தாகம், வெப்பம், எரிச்சல் போன்றவை கோடையில் நம்மை வாட்டும் பிரச்சனைகளாகும். கோடையை வெல்வதற்கு நாம் பல்வேறு வழிமுறைகளை கைக்கொள்கிறோம். பல்வேறு உணவுகள், பழங்கள், பானங்கள் இவற்றை பயன்படுத்தி கோடையை சமாளிக்கிறோம். அவ்வகையில் முலாம்பழம் ஒரு சிறந்த பழமாகும். இப்பழம் நாவறட்சியை நீக்கி, நமது உடலை குளிர்விப்பதில் இதற்கு ஈடாக வேறொரு பழம் இல்லை.

முலாம்பழத்தில் புரதச்சத்து, நீர்ச்சத்து, உலோகச்சத்து மற்றும் கொழுப்பு, நார்ச்சத்து, மாவுச்சத்து, சுண்ணாம்புச் சத்து, பாஸ்பரஸ், இரும்பு, தயாமின், ரிபோபிளேவின், நியாசின், மெக்னீசியம், சோடியம், பொட் டாசியம், தாமிரம், கந்தகம், குளோரின் மற்றும் ஆக்சாலிக் அமிலம் போன்றவைகள் அடங்கியுள்ளன.