உயிர்நீத்த தமிழ் ஈகியர்களுக்கு மலர்வளையம் வைத்து அஞ்சலி

ஆசிய கண்டத்திலேயே முதல் முறையாக 8 மணி நேர வேலைக்காகப் போராடி வெற்றி பெற்றவர்கள், புதுச்சேரியின் பஞ்சாலையின் தமிழ்த் தொழிலாளர்கள் ஆவர். “மக்கள் தலைவர்” வ. சுப்பையா முன்னெடுப்பில், இக்கோரிக்கைக்காக 1936 சூலை 30 அன்று நடத்தப்பட்ட தொழிலாளர்களின் உள்ளிருப்புப் போராட்டத்தின் போது, பிரஞ்சு ஏகாதிபத்தியக் காவல் துறையினர் சுட்டதில் 12 தமிழ்த் தொழிலாளர்கள் சுட்டுக் கொல்லப்பட்டன.

புதுச்சேரி, ஜூலை 31

இதனையடுத்து, தொழிலாளர் போராட்டம் வீரியமடைந்ததும், பிரஞ்சு அரசு ஆசியாவிலேயே முதல் முறையாக 8 மணி நேர வேலையை புதுச்சேரியில் சட்டமாக்கியது. அந்த ஈகியரை நினைவுகூரும் வகையில் ஒவ்வொரு ஆண்டும் சூலை 30ஆம் நாள் “தியாகிகள் நாளாக” புதுச்சேரியில் கடைபிடிக்கப்பட்டு வருகிறது.