Нийгмийн сүлжээ, нэр алдарт суурилсан цоо шинэ чиг хандлага өдгөө нийгэм даяар хүчээ авч, бизнес, соёл урлаг, улс төрийн ертөнцийг бүхэлд нь өөрчилж, таамгийг эвдэж байна. Энэ шинэ чиг хандлагын хүчээр үл хөдлөх хөрөнгийн могул улсын Ерөнхийлөгч болох боломжтойг, олны анхаарлыг татах чадвартай нэгэн тэрбумтан болж болохыг нийгмийн салбар бүрт батлан харуулж байна. Тэдний нэг нь дөнгөж 21 насандаа бараг ямар ч хөрөнгө оруулалт, бизнесийн туршлага, бас нэг ч ажилтангүйгээр 900 сая ам.доллараар үнэлэгдэх брэндийг бүтээсэн Кайли Женнер. Түүний бизнес өсөлтийн эрчээ энэ он дуустал хадгалж чадвал тэр дэлхийн хамгийн залуу тэрбумтнаар нэрлэгдэж, Марк Зукербергийг ардаа хаях юм. Мэдээж хамгийн залуу эмэгтэй тэрбумтан хэмээн “Forbes”-ийн бичиж буй дэлхийн бизнесийн түүхэнд тэмдэглэгдэнэ (“Нэр алдар нэг тэрбум ам.доллар дагуулсан нь”, хуудас 44).

Дэлхийн тэрбумтнууд 2021

Forbes сэтгүүлээс дэлхийн тэрбумтнуудын ээлжит эрэмбийг зарлалаа. Энэ жилийн жагсаалтад 493 шинэ гишүүн буюу ам.долларын тэрбумтан нэмэгдэж, түүхэнд урьд хожид үзэгдээгүй дээд амжилтыг тогтоов. Задалж анзаарвал, дэлхий даяар хөл хорион дунд өнгөрүүлсэн өнгөрсөн 365 хоногийн хугацаанд өдөр бүр, тодруулбал 17 цаг тутамд нэг шинэ тэрбумтан мэндэлж. Үнэн хэрэгтээ үүнд цар тахлын нөлөө үлэмж их бий хэмээн шинжээчид тэмдэглэж байна.
Цар тахал энтрепренерүүдэд цоо шинэ боломж олгожээ. Эрүүл мэндийн салбарт инноваци урьд өмнөхөөс илүү эрчимжиж, энэ чиглэлээс 40 эрхэм долларын тэрбумтан болжээ. Урьд өмнөх жилүүдийн эрэмбэд өв уламжилсан хөрөнгөөрөө тэрбумтан бологсод олон байсан бол өдгөө өөрийн хүчээр амжилтад хүрсэн хүмүүс тэрбумтнуудын эрэмбэд томоохон байр суурь эзэлж эхэллээ. 2021 оны эрэмбэд шинээр нэгдсэн 493 гишүүний 84 хувь нь өөрийн хүчээр амжилтад хүрсэн байх аж. Тэрчлэн эл жагсаалтад эмэгтэйчүүдийн эзлэх хувь хэмжээ өсөх хандлагатай болж ирэв. Өдгөө дэлхийн тэрбумтнуудын 11 хувийг эмэгтэйчүүд эзэлж байна. Цаг хугацаа өнгөрөх хэрээр нийгэм, эдийн засаг өөрчлөгдөж, түүнийг даган хүмүүсийн хандлага хувьсаж байна. Ажилтнуудаа зөвхөн зардал гэж хардаг аминчхан гигантуудын үе тэртээ 1990-аад онтой хамт улирч, харин өнөөгийн энтрепренерүүд ажилтнуудынхаа төдийгүй нийт нийгмийн сайн сайхны төлөө бизнес эрхэлж байна. Дэлхийн тэрбумтнуудын 2021 оны эрэмбэтэй танилцана уу.

Инноваци 2021

Өнөөдөр та бизнестээ инноваци нэвтрүүлэх нь хямралын дараа өсөлт үзүүлэх хамгийн чухал хүчин зүйл. Түүхийг эргэн харахад аливаа хямралын үед инновацид анхаарч, хөрөнгө оруулсан компаниуд эдийн засгийн сэргэлтийн үед зах зээлийн өрсөлдөгчдөөсөө дунджаар 30 хувиар илүү үзүүлэлт үзүүлдгийг “McKinsey & Company” онцолж байна. Эмэгтэйчүүд хөдөлмөрийн зах зээлд хошууран орсон 1940-өөд онд гэр ахуйн цахилгаан бараа үйлдвэрлэгчид гэртээ цөөн цагийг зарцуулдаг эмэгтэйчүүдэд зориулсан гэр ахуйн цахилгаан бараа үйлдвэрлэхэд анхаарч байлаа. Харин 2002 онд Азийг үймээсэн SARS тахал цахим худалдааны эрчийг авахуулж, энэ өрсөлдөөнд Хятад орон онлайн гүйлгээ, цахим худалдааны эпицентр болон хүчирхэгжсэн байдаг. Удалгүй араас нь залгасан дэлхийн санхүү, эдийн засгийн хямрал “хуваалцах” буюу шэйринг үйлчилгээ, эдийн засгийг эрчимжүүлж, тэр хэрээр ажилгүйдэл нэмэгдсэн билээ. Харин өдгөө уур амьсгалын өөрчлөлт нарны технологи, цахилгаан автомашин, тогтвортой хүнс үйлдвэрлэлийн салбарт бизнесийн боломж бийг энтрепренерүүдэд сануулж байна. Товчхондоо, нийгэм, эдийн засагт нүүрлэсэн хямрал бүр шинэ арга барил, шинэ хандлагаар бизнесээ удирдахыг та бидэнд сануулж ирсэн юм. 
Тэгвэл энэ бүх сорилтыг боломж хэмээн харж, бизнестээ инноваци нэвтрүүлж буй энтрепренерүүдийг “Forbes Mongolia” онцолж байна. Инноваци 2021. Болгооно уу.

Хямрал дагасан шинэчлэл

“Covid-19” цар тахал хүн төрөлхтний амьдралын хэв маяг, дэг горимыг өөрчлөөд нэг жил гаруйн хугацаа өнгөрчээ. Улс орнуудад халдварын тоо нэмэгдэж, хорио цээрийн арга хэмжээ үргэлжилсээр. Энэ бүхний сөрөг нөлөөг тоочоод барахгүй ч эерэг өөрчлөлтүүдийг анзаарахгүй өнгөрч болохгүй. Цар тахал жижиг, дунд үйлдвэрлэгчид, аж үйлдвэр, аялал жуулчлал, худалдаа, тээвэр, барилга, боловсролын салбарт хүндхэн цохилт өгч байгаа ч үүнтэй зэрэгцэн дижиталчлал бүхий л салбарт хурдацтай өрнөж байна. Тэдгээрээс хямрал дагасан шинэчлэлийг дэлхий дахинд төдийгүй Монголд банк санхүүгийн сектор түрүүлж мэдэрч, шинэчлэгдэж байна. Мэдээллийн технологи, дижиталчлалд голлон анхаарч, хөрөнгө оруулна хэмээн Монголын банкны системд нөлөө бүхий таван банкны менежментийн баг онцолж байна. Цахим шилжилтийг цар хүрээний хувьд орон даяар хамруулахад цаг хугацаа шаардлагатай байсан бол цар тахлын нөлөөгөөр энэ бүх өөрчлөлт асар хурдацтай хийгдэж байгааг тэд тодотгожээ. Тэгвэл олон улсад блокчейн технологи, түүнийг дагасан инноваци хүчээ авч байна. 2020 онд 300 хувийн өсөлт үзүүлсэн “Bitcoin” болон түүний цаадах блокчейн технологийг ашиглан компаниуд зах зээлд ноёлж байна. “Forbes Mongolia” шинэ дугаартаа банк санхүү болон тэрхүү ертөнцөд өрнөж буй инновацийг онцоллоо.

2021 он: Шилжилтийн жил

Дэлхий дахиныг хамарсан цар тахал бизнесийн салбар төдийгүй дэлхийн эдийн засгийг хүнд цохилтод оруулж, өдгөө улс орнуудын Засгийн газар тэр аяараа вирусын тархалтыг боломжит хамгийн бага хэмжээнд барихын тулд бүхий л хүчээ дайчилж байна. Хэсэгчилсэн хөл хорио өдгөө хоёр дахь жилдээ дамнан сунгагдаж, вакцинжуулах хөтөлбөр ч дорвитой үр дүнд хараахан хүрээгүй хэвээр. Энэ бүх суурь нөхцөл эдийн засгийн тамир тэнхээг 2021 онд дахин шалгах нь. ОУВС-гийн тооцоолсноор 2020 онд дэлхийн эдийн засаг 4.4 хувиар агшсан нь 1930-аад оны Их хямралаас хойших хамгийн тааруу үзүүлэлт болов. Тэрчлэн 2021 оны дэлхийн эдийн засгийн төлөв ч бүрхэг хэвээр байна.
Харин бизнес эрхлэгчид таамаглашгүй нөхцөл байдалд дасан зохицохын тулд бүхий л боломжоо ашигласаар 2020 оныг үдсэн билээ. Гэхдээ 2021 он бол шилжилтийн жил. Иргэд, бизнесийн байгууллага, нийгэм тэр аяараа өнөөдрийн нөхцөл байдалд гацах бус, харин гэнэтийн саад бэрхшээлээс урьдчилан сэргийлэх замаар ирээдүйгээ шинээр тодорхойлоход суралцаж байна. “Хөл дээрээ дахин босох” хэмээх ойлголт нь цар тахлын өмнөх байдлаа дахин сэргээх бус, харин шинэ хэмнэлд дасан зохицож, бүх зүйлээ өөрчлөн шинэчлэх тухай ойлголт болон хувирав. Дэлхий дахинд хүчээ авч буй дижиталчлал цар тахлын энэ үед хамгийн хурдацтай хөгжсөн нь хэрэглэгчийн цахим үйлчилгээ, ажлын байрыг алсаас шийдэх, нийлүүлэлтийн гинжин холбоог шинэчлэх, асуудлыг шийдвэрлэхийн тулд хиймэл оюун ухааныг өргөнөөр ашигласантай холбоотой. Өөрөөр хэлбэл, COVID-19-ийн хямрал хиймэл оюун ухаан, дижитал хөгжүүлэлтийг ялангуяа Азид хурдасгалаа.
Бидний туулж буй цар тахал, түүний бизнес, эдийн засагт үзүүлж буй нөлөөллийг “Forbes Mongolia” шинэ дугаартаа хөндөж байна.

Цар тахлын сургамж

“Forbes” сэтгүүл жил бүр эрэмбэлдэг дэлхийн тэрбумтнуудын жагсаалтаа 34 дэх жилдээ танилцуулж байна. Олон улсыг хамарсан COVID-19 цар тахлын үеэр дэлхий дахинд ам.долларын тэрбумтнуудын тоо өнгөрсөн жилээс 58-аар цөөрч 2,095-д хүрчээ. Харин “Facebook”-ийн гүйцэтгэх захирал Марк Закерберг ам.доллараар хамгийн өндөр өсөлт үзүүлж, 36-хан насандаа Уоррен Баффетт, Ларри Эллисон нарыг ардаа орхилоо. Жагсаалтаас харахад, ажил хэрэг, бизнес нь техник технологийн салбартай холбоотой энтрепренерүүд цар тахлын үеэр өсөлт үзүүлсэн байгаа юм. Түүнчлэн “Apple”, “Nike” зэрэг компани ихэнх дэлгүүрээ татан буулгаж, автомашин үйлдвэрлэгч томоохон компаниуд үйлдвэрээ хаах зэргээр биет дэлгүүрийн худалдаа хумигдсан ч Америкийн “Amazon”, Хятадын “Pinduoduo” зэрэг цахим худалдааны компаниуд өндөр ашигтай ажиллаж байна.
Дэлхий нийтийг тэр чигт нэрвэсэн цар тахал, түүнээс улбаатай эдийн засгийн удаашралын үед бизнест тулгарч буй эрсдэл, хүндрэлүүд, тэдгээрийг хэрхэн даван туулах тухай сэдвийг бид энэ дугаартаа онцолж байна. Тэрчлэн энэ чиглэлээр дэлхийн тэрбумтнуудын төлөөлөл болгож “Oracle”-ийн Ларри Эллисон, “Softbank”-ийн Масаёши Сон нар хямралын үед бизнесээ хэрхэн удирдаж байгаа туршлагыг танилцуулж байна.

5G хаалга тогшиж байна
Технологи хүн төрөлхтний амьдралд төсөөлшгүй боломжийг авчирсаар буй. 2010-аад оны эхээр та бид анх 4G хэмээх харилцаа холбооны дөрөв дэх үеийн технологитой танилцаж байлаа. Харин өнөөдөр 5G хаалга тогшиж байна. 2019 оны эхээр анхлан хэрэглээнд нэвтэрсэн ч өдгөө дэлхий даяар анхаарал татаж буй 5G технологи хүн төрөлхтний амьдралд үсрэнгүй өөрчлөлт хийх төлөвтэй. Өндөр хурд, туйлын найдвартай байдал, үл мэдэгдэм хугацааны хоцрогдол бүхий шинэ үеийн технологи харилцаа холбооны экосистемийг цоо шинэ түвшинд гаргаад зогсохгүй аж үйлдвэрлэлийн салбар бүрт нөлөөгөө тогтоохоор байна. Тухайлбал тээврийг илүү аюулгүй болгох, эрүүл мэндийн үйлчилгээг алсаас хүргэх, хөдөө аж ахуйн технологийг илүү нарийвчлах, ложистикийг дижиталчлах боломжтой. Түүгээр зогсохгүй, 5G технологи нийгэм, эдийн засгийн амьдралд өргөн хүрээнд нэвтэрснээр дэлхийн эдийн засгийн бүтээмж 2035 он гэхэд 13.2 их наяд ам.доллараар нэмэгдэж, 22.3 сая шинэ ажлын байр бий болох, дэлхийн ДНБ 2.1 их наяд ам.доллараар тэлэх хүлээлттэй байна.
Өдгөө дэлхийн 35 улсад энэ технологи нэвтэрсэн ч Монгол Улсад маань хараахан нэвтрээгүй, судалгааны шатанд ажил үргэлжилж байна. Эдийн засгийн далайц, хөрөнгө оруулалтын хэмжээ, хүн амын тооноос хамааран энэ технологийн шинэчлэлийг Монгол Улсад нэвтрүүлэхэд хугацаа шаардлагатай байгааг дотоодын харилцаа холбооны зах зээлийн томоохон тоглогчдын удирдлагууд тайлбарлаж байна. Ийнхүү 5G төдийгүй технологи, инновацийн сэдвээр “Forbes Mongolia” шинэ сэтгүүлээ та бүхэнд хүргэж байна.

Өөрчлөлтийн төлөөх дуу хоолой
Дэлхий дахины эдийн засагт эмэгтэйчүүдийн оруулж буй хувь нэмэр, түүнчлэн улс төр, нийгмийн харилцаанд эзлэх байр суурь, зах зээл дэх оролцоо жил ирэх тусам нэмэгдэж буй ч хангалттай түвшинд хараахан хүрээгүй байна. Түүний нэгэн адил Монгол Улсын хувьд шийдвэр гаргах түвшинд хүйсийн тэнцвэртэй байдал хангагдах болоогүй ч бүхий л салбарт монгол эмэгтэйчүүд эрчүүдтэй эн зэрэгцэн хүчээ сорьж, тэдэн дунд амжилтаараа ялгарах эмэгтэйчүүдийн тоо улам өсөн нэмэгдсээр байна. Гэсэн хэдий ч эдийн засагт ажлын байр бий болгож, нэмүү өртөг бүтээх замаар улсын эдийн засгийг өрөөсөн “булангаас” нь дэмнэж буй эдгээр эмэгтэйчүүд дуу хоолойгоо илүү тод, хүчтэй сонсгох шаардлага бодитой оршсоор байгаа юм. Энэ утгаараа “Forbes Mongolia” сэтгүүл эмэгтэйчүүдийн манлайллыг дэмжих, тэдний нийгэмд үзүүлж буй эерэг нөлөөг тодотгох, өсөлтийн потенциалтай нь танилцуулах үүднээс энэхүү сэтгүүлийг та бүхэндээ өргөж байна. Энэ дугаартаа бид Монголын бизнес, эдийн засаг, нийгэмд нөлөөллөө тогтоож чадсан, хамгийн хүчирхэг 50 бизнес эрхлэгч эмэгтэйг тодруулж байгааг хүлээн авна уу. Аж үйлдвэр, уул уурхай, хүнсний үйлдвэрлэл, үйлчилгээ, боловсрол, эрүүл мэнд гэхчлэн бүхий л салбарын бизнес эрхлэгчдийг энд багтаалаа.
—ЭРХЛЭН ГАРГАГЧ Э.ДОЛГИОН

Covid-19 дэлхийг өөрчилж байна
Covid-19 цар тахал дэлхийг тэр аяар нь нөмрөөд байна. Олон улсыг нэрвэж буй тахал хүмүүсийн амьдрах, ажиллах, дэлгүүр хэсэх, нийгмийн амьдралд оролцох хэв маягийг өөрчилж, хамгийн гол нь дэлхийн эдийн засагт томоохон нөлөө үзүүлдэг үйлчилгээний салбарыг өөрчлөх төлөвтэй байна. Дэлхийн хамгийн том эдийн засаг – АНУ-ын хувийн хэвшлийн ажил эрхлэлтийн 84 хувийг үйлчилгээний салбар бүрдүүлдэг ба гуравдугаар сарын байдлаар энэ салбарт хөдөлмөр эрхэлдэг
659 мянган иргэн ажилгүйдлийн тэтгэмж горилж эхлээд буй.
Аливаа хямралын үед хамгийн түрүүнд үйлдвэрлэлийн салбар өртдөг бол Covid-19 ийнхүү үйлчилгээний салбарыг мөн сөхрүүлж эхэллээ. Хөл хорионд орсон иргэд заавал дэлгүүрт очиж үйлчлүүлэх бус, онлайн худалдааг сонгож, уламжлалт энэ бизнесийн агшилтыг улам эрчимжүүлэв. Тэрчлэн хүнгүй зоогийн газрууд үүдээ барьж, оронд нь хоол хүргэлтийн үйлчилгээ хүчээ авч эхлэв. Мөн дэлхий даяар сая сая хүн гэрээсээ ажиллан, ажил эрхлэлтийн хэв маяг өөрчлөгдөх хандлагатай байна. Бизнес уулзалтууд, хурал чуулганыг заавал биечлэн бус, харин Zoom, WhatsApp болон бусад платформ ашиглан
виртуалаар хийх боломжтойг харуулж, цаг, мөнгө хэмнэх давуу тал, үр ашгийг нь бизнесүүд энэ өдрүүдэд мэдэрч байна. Өөрөөр хэлбэл, үйлдвэрийн ажилтнууд өнгөрсөн цөөн жилийн хугацаанд мэдэрч буюу дисраптив шинжтэй өөрчлөлтүүд үйлчилгээний салбарыг нөмөрч, энэ салбарын бизнес эрхлэгчдийг өөрчлөлтөд хурдацтай дасан зохицож, бизнес загвараа өөрчлөхийг шаардаж байна. Хэдийгээр хөл хориог цуцалж, хэвийн байдалдаа шилжсэн ч хэрэглэгчдийн сэтгэл зүй түүнийг дагаж буцаж өөрчлөгдөхгүйг өнөөдрийн Хятадын Ухань хотын жишээ дэлхийд харуулж байна.
—ЭРХЛЭН ГАРГАГЧ Э.ДОЛГИОН

Их хямралд эргэлзэх хэрэггүй
Дэлхийн ДНБ 2020 онд нэг хувиар агшиж, 2008 оны санхүү эдийн засгийн хямралаас хойших хамгийн огцом уналтыг үзүүлж болзошгүй байгааг “Goldman Sachs” групп мэдэгдээд байна. Хятадаас эхэлсэн цар тахал Итали, Өмнөд Солонгос, Иран, Америк гээд дэлхий даяар идэвхжиж, иргэд, бизнесүүд зогсонги байдалд оров. Дэлхийн хамгийн том эдийн засагтай АНУ-ын ДНБ гэхэд хоёрдугаар улиралд таван хувийн агшилт үзүүлэх төлөвтэй байгаа. Тэрчлэн евро бүсэд хамгийн томд, дэлхийд дөрөвдүгээрт эрэмбэлэгддэг Герман улсын макро эдийн засгийн бүхий л үзүүлэлт улаан бүсэд шилжиж, сөрөг зааж эхэллээ. Дэлхийг нэрвэсэн коронавирус ийнхүү эдийн засгийн өсөлтийг “боомилж”, нийлбэр дүнгээр глобал эдийн засагт 2.7 их наяд ам.долларын хохирол учруулах төлөвтэй гэж “Bloomberg” мэдээлээд байна. Америк, Герман, Япон гээд дэлхийн хүчирхэг эдийн засгуудыг хэдийнэ сөхрүүлж эхлээд байгаа санхүүгийн хямралын давалгаа тун удахгүй Монголд мэдрэгдэж эхлэх нь. Их хямрал гэдгийг илтгэх үзүүлэлтүүд нь зах зээлд ажиглагдаж эхэлсэн энэ давалгааг зарим шинжээч энэ зууны их хямрал ч гэж нэрлэж байна.
Цар тахлын дэгдэлт тун удахгүй хяналтад орно хэмээн хоосон найдаж, тайван суухын оронд эдийн засгийг, хувийн хэвшлийг дэмжих шийдвэртэй бодлого хэрэгжүүлэхийг энэ бүх түгшүүрийн дохио сануулж байна.
—ЭРХЛЭН ГАРГАГЧ Э.ДОЛГИОН

www.forbes.mn
тун удахгүй
Амжилттай хийж бүтээж буй лидерүүдийг тунхагладаг “Forbes” сэтгүүл дэлхийн 70 улсад 26 хэлээр хүрч байна. 1917 оноос хойш дэлхийн бизнесийн ертөнцийн нэвтэрхий толь хэмээх тодотголыг зүй ёсоор хүртэж буй “Forbes” сэтгүүлийг албан ёсны эрхтэйгээр бид Монголд эрхлэн гаргаад даруй 7 жил өнгөрөөд байна. Энэ хугацаанд “Forbes
Mongolia” Монгол Улсын хамгийн олон хүнд хүрдэг сэтгүүл болж байр сууриа бататгаад буй. Тэгвэл бид тун удахгүй www.forbes.mn цахим хуудсыг та бүхэндээ барихаар зэхэж байна.
Технологи, инновацийн нөлөөгөөр мэдээ мэдээлэл хүлээн авах, боловсруулах төдийгүй түүнийг түгээх арга хэрэгсэл хувьсан өөрчлөгдөж, дижиталчлагдаж байна. “Forbes Mongolia” сэтгүүлийн хувьд ч өнгөрсөн хугацаанд үндсэн хэвлэмэл хувилбараас гадна Magzter, Amazon Kindle, M+, World Plus платформуудад дижитал хэлбэрээр байршиж, шинэ тутам хэрэглээнд нийцүүлэн шинэчлэгдсээр байна. Харин одоо ийнхүү
www.forbes.mn цахим хуудсаа нээж, дотоодын төдийгүй дэлхийн бизнесийн ертөнц, инноваци, технологи, тэрбумтнуудын мэдээ мэдээллийг илүү хялбараар та бүхэнд хүргэх боломжтой болно. Бизнесийн өсөлт хөгжлийнхөө замд бидэнтэй хамт байгаарай.

Технологи, инноваци бизнесийн хөгжлийг тодорхойлж байна
Технологийн хөгжил эрчимжиж, та,
бидний амьдралд нөлөө нь улам лавширсаар байна.
Эсрэг талд,
бизнесийн амжилт
болон инноваци, технологи хэмээх ухагдахуун хоорондоо шууд хамааралтай болж хувирлаа. Технологийн шийдлээр хөгжлийн чиг хандлагыг тодорхойлох болсон өнөө үед боломж аль ч салбарт нуугдаж байгааг “Airbnb”, “Uber” зэрэг олон жишээ батлан харуулдаг. Уламжлалт салбаруудад “бүтээлч сүйрэл” өрнүүлж буй технологийн энэ давалгаа гадаад хэлний боловсролын салбарыг аль хэдийнэ нөмөрсөн. Энэ өрсөлдөөний хамгийн хүчтэй тоглогч бол гар утас, интернэттэй л байхад дэлхийн хаанаас ч хүссэн хэлээ сурах боломжтой “Duolingo” аппликейшн (“Гадаад хэл дэлхийг сүлжсэн бизнес болов”, хуудас 68). Тэрчлэн “Хиймэл оюуны супер хүч” (хуудас 52), “Технологиор тэргүүлсэн гангийн үйлдвэр” (хуудас 64) нийтлэлээс ерөөс бизнесийн хөгжлийг технологи, инноваци тодорхойлж буйг та давтан харах болно.
Тэгвэл тансаг зах зээлийн салбарт ноёрхлоо тогтоож, салбартаа эн зэрэгцэх өрсөлдөгчгүй болтлоо өсөж буй “LVMH” группийг “Дэлхийн гурав дахь $100 тэрбумтан” (хуудас 32) нийтлэлээс задалж анзаарахыг хүсье. Энэ конгломератын эзэн, дэлхийд хөрөнгийн хэмжээгээр гуравдугаарт бичигдэж буй Бернар Арногийн бизнесийн стратегийг
“Forbes Mongolia” танд танилцуулж байна.
—ЭРХЛЭН ГАРГАГЧ  Э.ДОЛГИОН

Хандлага сөрөгчид
Дэлхийн хамгийн хүчирхэг хувьцаат компаниудыг эрэмбэлдэг “Global 2000” жагсаалт бол улс орнуудын эдийн засгийн тусгал юм. Энэ жилийн жагсаалтад АНУ-ын 575 компани багтсанаар тэргүүлж, араас нь Хятад 309 компани, Япон 223 компанитайгаар удааллаа. Харин шилдэг аравт багтсан компанийн тоогоор АНУ бус, Хятад улс илүүрхэж буй дүр зураг ажиглагдаж байна. Тус улсын ICBC долоон жил дараалан дэлхийн хамгийн том, олон нийтэд нээлттэй хувьцаат компаниудын эрэмбийг тэргүүлж буй. Мөн энэ жагсаалтад банк, санхүүгийн салбараас 453 компани шалгарч, тус салбар аль ч улсад ямагт хүчирхэг байдгийг дахин нэг санууллаа (“Дэлхийн хамгийн хүчирхэг компаниуд”, хуудас 62). Тун удахгүй энэхүү нэр хүндтэй жагсаалтад Монголын компаниуд бичигдэнэ гэж итгэж байна.
Бусдаас ялгарах онцлог, загвар дизайны өвөрмөц шийдэлгүй ч тансаг зэрэглэлийн брэндүүд дунд нэр хүндээ дархалсан “Canada Goose” брэнд (“Хойд туйлаас тансаг зах зээлд хүрсэн түүх”, хуудас 54), болон төдийлөн олны анхаарал татдаггүй компаниудад хөрөнгө оруулах замаар амжилтад хүрсэн Эдди Браун (Уолл Стритийн танил бус “зөнч”, хуудас 78), мөн өөрийгөө өрсөлдөгчгүй хэмээн бат итгэдэг Жорж Томас Дейвийн түүх (“Цай үйлдвэрлэлээс төрсөн тэрбумтан”, хуудас 72) тэргүүтнийг энэ дугаартаа танилцуулж байна. Тэдний амжилтын түүхэнд нэг ижил тал бий. Тэд бол бизнесийн салбарт бөөнөөрөө хуйларч буй зүгт дагаж хошууралгүй, бизнесээ өөрийнхөөрөө удирдан амжилтад хүрч буй хандлага сөрөгчид.

Эмэгтэйчүүдийн дуу хоолой үгүйлэгдэж байна.
Монгол Улсын Үндсэн хуулийн нэмэлт өөрчлөлтийн төслөөр Ерөнхийлөгчид нэр дэвших насны доод босгыг 55 нас хүргэж өндөрсгөхөөр зэхэж байна. Монгол Улсын төрийн тэргүүнээр эмэгтэй хүн сонгогдох боломжийг хуулиар хаших оролдлого хэмээн үүнийг тодруулж болно. Энэхүү доод босго нь эмэгтэйчүүдийн тэтгэврийн настай давхцаж буй, өөрөөр хэлбэл 55 нас хүрсэн монгол эмэгтэй тэтгэвэрт гарахаар хуульчилсан Монгол Улсад энэ сэдвээр эмэгтэйчүүдийн дуу хоолой сонсогдохгүй байгаа нь хачирхалтай. Улс төр, бизнесийн хүрээлэлд хэдийгээр эмэгтэйчүүдийн эзлэх жин тогтмол нэмэгдэж буй ч өнөөдөр Монголын нийгэмд өрнөж буй шинэчлэл өөрчлөлтөд эмэгтэйчүүдийн дуу хоолой хангалттай тод сонсогдохгүй хэвээр байна.
“Forbes Mongolia” сэтгүүл шинэ дугаартаа эмэгтэйчүүдийг, тэдний манлайллыг тодотгож байна. Дэлхийн од Опра Уинфри өөрийн дуу хоолойгоо Америк төдийгүй олон улс даяар хүргэхийг эрмэлзэж байна. “Тэрбум! Тэрбум хүний халаасанд “Apple”-ийн бүтээгдэхүүн бий шүү дээ!” хэмээн өгүүлсэн тэрбээр өдгөө “Apple TV+” төслөөр дамжуулан өөрийн нөлөөллөө дэлхий даяар хүргэж, нийгмийн эрх тэгш байдал, сайн үйлст уриалан дуудахаар зэхжээ.
Ерөөс дэлхийн бизнесийн ертөнцөд эмэгтэйчүүд жилээс жилд хүчирхэгжиж байна. “Forbes” сэтгүүлээс жил бүр шалгаруулдаг “Өөрийн хүчээр амжилтад хүрсэн Америкийн хамгийн чинээлэг эмэгтэйчүүд” жагсаалтад багтсан 80 эмэгтэй энтрепренер үүний жишээ. Эл жагсаалтад шалгарсан эмэгтэйчүүдийн нас 21-92-ын хооронд хэлбэлзэж буй бол нийт хөрөнгө нь 81.3 тэрбум ам.доллараар хэмжигдэж байна. Тэдгээрийн 25 нь тэрбумтан, тэн хагас орчим буюу 38 нь технологийн төвлөрсөн цэг Калифорни мужаас амжилтад хүрчээ. Эмэгтэйчүүдийн манлайлал, тэдний нийгэмд үзүүлж буй эерэг нөлөө, өсөлтийн потенциалтай энэ дугаараас танилцана уу.

Блокчейн хүчээ авлаа

“Twitter” дэх Дональд Трампын жиргээний дараа зах зээлд Bitcoin-ы ханш 17 хувиар буурч, 10,000 ам.доллараас доош түвшинд хүрээд байна. Ethereum, Litecoin тэргүүтэй бусад криптовалютын ханш мөн 13-17 хувиар сулрав. Цахим валютуудыг үнэ цэнэ нь тогтворгүй, өндөр хэлбэлзэлтэй хэмээн АНУ-ын Ерөнхийлөгч жиргэснээр зах зээл ийнхүү савласан юм. Хэдийгээр криптовалютуудын ханш тогтворгүй байгаа ч энэ салбар улам тэлсээр байна. Нийгмийн сүлжээний “Facebook Inc.” хүртэл энэ салбарт албан ёсоор хөл тавьж байгаагаа “Libra” төслөөрөө зарлав. Тэрчлэн криптовалютуудаар түлхүү танигдсан блокчейн технологи дэлхий даяар улам бүр хүчээ авч байна. Зөвхөн дижитал мөнгөн тэмдэгт төдийгүй хүнс, эрүүл мэндийн үйлчилгээ, даатгалын зах зээлд ч блокчейн нэвтэрч, эдгээр салбарын дүр төрхийг өөрчилсөөр буй. “Forbes” сэтгүүл энэхүү шинэ дугаартаа блокчейныг онцолж байна. “Allianz”, “Anheuser Busch”, “BNP Paribas”, “Citigroup” тэргүүтэй дэлхийн гигантууд блокчейнд суурилсан шинэ аппликейшн хөгжүүлэх замаар бизнесээ тэлж, шинэ боломжуудыг нээж байна. Тэдэнтэй танилцана уу.
Тэрчлэн “Forbes” сэтгүүл өдгөө уншигчдын тоогоороо түүхэн дээд түвшинд хүрээд байгааг энд тэмдэглэхэд таатай байна. Дэлхий даяар зургаан сая гаруй хүн “Forbes” сэтгүүлийг хэвлэмэл байдлаар, мөн 70 гаруй сая хүн цахим платформоос уншиж байгааг MRI судалгааны байгууллагаас тогтоолоо.  “Forbes  Mongolia” сэтгүүлийн хувьд ч Монголын хэвлэл мэдээллийн зах зээлд өөрийн орон зайгаа улам тэлсээр байна. MMCG компанийн судалгаагаар өдгөө Монголын сэтгүүлийн зах зээлд “Forbes Mongolia” уншигчдын тоогоор нэгдүгээрт эрэмбэлэгдэж, гурван удирдах албан тушаалтан тутмын нэг нь бизнесийн зөв шийдвэр гаргахад нөлөөлөх үнэ цэнэтэй мэдээллүүдийг “Forbes Mongolia” сэтгүүлээс  авч байна.

Дэлхийн түүхийн эргэлтийн цаг үед Та, бид амьдарч байна. Дэлхийн нийгэм төдийгүй эдийн засаг үндсээрээ өөрчлөгдөн, хүчний төв барууны орнуудаас шинэ эдийн засгууд руу огцом шилжиж эхэллээ. Одоогоос найман жилийн өмнө Хятад улс эдийн засгийн хүч чадал, далайцаар Японыг гүйцэж түрүүлэн, АНУ-ын дараа дэлхийд хоёрдугаарт эрэмбэлэгдэж эхлэх үед дэлхий даяар дуу алдаж байв. Тэгвэл 2011 оны энэ өөрчлөлт дөнгөж эхлэл байсныг, үүнээс хойш дэлхий дахины санхүү, эдийн засаг үндсээрээ өөрчлөгдөхийг та бидний өдөр тутамд авч буй мэдээллүүд нотлон харуулж байна.

Дэлхийн бизнесийн ертөнцөд тэргүүлэгч “Forbes” сэтгүүл Монгол Улсад албан ёсоор хэвлэгдэж эхэлсний долоон жилийн ой энэ онд тохиож байна. Түүх нь 100 жилээр өртөөлөх энэ брэнд өдгөө дэлхийн 70 улсад 26 хэлээр хүрч буйн нэг нь Монгол Улс. Олон улсын бизнес, эдийн засгийн нэн шинэ хандлагуудыг Монголын бизнес эрхлэгчдэд хүргэх, дэлхийн тавцанд цойлсон бизнесмэнүүдийн ажил, амжилтын дүрэм, бизнесийн далайцыг хуваалцах, мөн Монголын бизнес эрхлэгчдийг олон улсад гарган танилцуулахыг өнгөрсөн долоон жилийн уртад “Forbes Mongolia” сэтгүүл эрхэм зорилгоо хэмээн чандлан хадгалж ирсэн билээ.
Энд би гурван тоог онцлон дурдахыг хүсэж байна. 12, 51 мянга, 1. “Forbes Mongolia” сэтгүүл жилд 12 дугаар бэлтгэн гаргаж, түүнийгээ 51 мянган уншигчид хүргэж байна. Энэ чанарынхаа ачаар бид Монголын сэтгүүлийн зах зээлд өнөөдөр нэгдүгээрт эрэмбэлэгдэж буй юм. Ажлын байр бий болгож, татвар төлөн, дотоодын хөгжлийг дэлхийн зах зээлийн чинээнд хүргэхээр тэмүүлж, улмаар Монгол Улсын эдийн засгийн тулах ган бат багана болсон бизнесүүд, тэдгээрийг удирдан авч явж буй хэн бүхний амжилтыг “Forbes” өөрийн хуудаснаа алдаршуулан, үйл хэргийг нь олон нийтэд таниулахыг эрмэлздэг юм. Дэлхийн бизнесийн газрын зурагт тэд Монгол Улсыг төлөөлөн, байр суурийг нь бататгадаг тул үндэсний хэмжээний бизнесийн шилдэг сэтгүүлийн хувьд “Forbes Mongolia” тэднийг бүрэн дэмждэг билээ. Товчхон томьёолбол, Монголынхоо компаниудыг дэлхий дахинд гаргах гарц, бусдад хүлээн зөвшөөрөгдөх гүүр болохыг бид эрмэлздэг юм. “Forbes” сэтгүүлийг Монголд эрхлэн гаргасан өнгөрсөн долоон жилийн уртад дэлхийн бизнесийн орон зайд монголчууд зах зээлээ түрэн тэлж, улам бүр танил болсоор буй. Өнөөдрийнхөөс илүү өргөн боломж Монгол Улсад бий гэдэгт итгэлтэй байна.
Долоон жилийн турш бидэнтэй хамт бизнесийн үйл хэргээ удирдан алхаж буй уншигч та бүхэнд талархал илэрхийлье. Таны мөрөөдөл хаана ч хүрч болно. Гэхдээ эхлэх цэг нь үргэлж “Forbes Mongolia” байх болно.

“Forbes” сэтгүүлээс таамаглаж байсны дагуу дэлхийн тэрбумтнуудын эгнээнд Кайли Женнер хамгийн залуудаа (21 насандаа) нэгдэн, “Facebook”-ийн Марк Закербергийн амжилтыг ардаа хаяж түүхийн шинэ хуудсыг нээлээ. Нийгмийн сүлжээнд нэр алдраа тунхаглаж, түүнийхээ ачаар тэрбум ам.доллараар илэрхийлэгдэх хөрөнгөтэй болсон тэрбээр “Forbes” сэтгүүлийн 2019 оны дэлхийн тэрбумтнуудын жагсаалтад шинээр элсэж буй 195 гишүүний онцгой төлөөлөл юм.
Дэлхийн бизнесийн түүхийг бичиж буй “Forbes” сэтгүүлээс тэрбумтнуудын жагсаалтыг жил бүр эрэмбэлдэг ба 33 дахь жилдээ та бүхэнд ийнхүү танилцуулж байна. 2008 оны эдийн засгийн хямралаас хойш тасралтгүй өсөж байсан тэрбумтнуудын тоо, тэдний нийт хөрөнгө энэ жил анх удаа буурсан үзүүлэлт харуулав. Нэг тэрбум ам.доллараас дээш хөрөнгөтэй эрхэм өнгөрсөн жил манай гарагт нийт 2208 байсан бол энэ жил 2153 болж буурсан төдийгүй нийт хөрөнгийнх нь үзүүлэлт 400 тэрбум ам.доллараар хорогдож, 8.7 их наядад хүрэв. Тэрбумтнуудын орлогын эх үүсвэр голчлон санхүү, үл хөдлөх хөрөнгийн салбартай холбогддог байсан бол энэ жил шинээр элссэн тэрбумтнуудын бизнес нь технологи, үйлдвэрлэл, бэлэн хувцас, жижиглэн худалдааны салбарт зонхилж байна (“Дэлхийн тэрбумтнууд”, хуудас 38).
Тэрбумтнуудын тухай өгүүлэх бүрт АНУ-ын анхны тэрбумтан Ерөнхийлөгч Дональд Трампын хөрөнгө анхаарал татдаг. Тэрбээр АНУ-ын төдийгүй дэлхийн улс төрийн тавцанд хамгийн хүчирхэг тоглогчийн байр суурийг эзэлсэн боловч нэр холбогдсон бүхий л бизнес, үл хөдлөх хөрөнгийнх нь үнэлгээ буурах боллоо. Түүхийг нь “Forbes” өөрийн хуудаснаа дэлгэж байна (“Сүүдрийн дундах Трамп”, хуудас 32).

Эдийн засгийн луужин эрсдэлийг зааж эхэллээ. Дэлхийн эдийн засгийн өсөлт удаашрах тухай олон улсын санхүүгийн байгууллагууд анхааруулж, өсөлтийн төлөвийг танасаар байна. Монгол Улс шиг олон улсын түүхий эдийн зах зээлээс хэт хамааралтай эдийн засаг эрсдэлээс зайлсхийх бололцоо хязгаарлагдмал ч уул уурхайн бус салбартаа түлхүү хөрөнгө оруулж хөгжүүлэх, технологийн дэвшлийг хэрэглээндээ нэвтрүүлж, бүтээмжээ сайжруулах нь эрсдэлээс өөрсдийгөө хамгаалах бидний хамгийн гол шийдэл болоод байна (“Хямралын шинэ давлагаа”, хуудас 12).
Мэдээллийг хаанаас, хэрхэн “олборлохоо” мэдэж, хүч чадлыг нь оновчтой ашиглаж чадвал биднийг бизнесийн орчинд төсөөлшгүй боломж хүлээж байна. Салбар бүхэнд тулгардаг саад бэрхшээлийг гярхай анзаарч, технологийн тусламжтайгаар шийдвэрлэж чадсан компаниуд дэлхийн зах зээлд гайхам амжилтад хүрч болохыг олон жишээ харуулах боллоо. Тиймээс өрсөлдөөн дунд өөрсдийнхөө давуу талыг хөрөнгө оруулагчдад батлан харуулсан гурван компанийн түүхийг энэ дугаараар танилцуулж байна. Тодруулбал, дата хэрэглээг үндсээр нь өөрчилж, мөнгө угаалттай тэмцэх, эмийн аюулгүй байдлыг хангах гэх мэт бүхий л салбарт ид шидээ үзүүлж буй “Enigma” компани (“Дэлхийн эдийн засгийг уншигч программ”, хуудас 18). Мөн АНУ-ын боловсролын тогтолцооны сул талыг технологийн тусламжтайгаар нөхөх зорилгоор, Марк Закерберг, Питер Тиль, Лорен Пауэлл Жобс гэх мэт бизнесийн топуудаас 174 сая ам.долларын хөрөнгө оруулалт авч чадсан “AltSchool” (“Боловсролын салбарыг өөрчлөх дижитал технологи”, хуудас 58). Тэрчлэн хувийн амьдралд тохиосон гашуун түүхээс улбаалж, хорт хавдартай тэмцэх том мөрөөдлийнхөө төлөө гар нийлэн зүтгэсэн хоёр залуугийн үүсгэн байгуулсан “Flatiron” компани өдгөө хоёр тэрбум ам.доллараар үнэлэгдэж байна (“Хүний нас уртасгах бизнес”, хуудас 66).

Хүлээлт эвдсэн технологи
Монголын харилцаа холбооны салбарын шинэчлэлийг “Мобиком” корпораци тэргүүлэн алхаж байна. Тэгвэл энэ компанийн гүйцэтгэх захирал, хувьцаа эзэмшигч ноён Тацуяа Хамада олон улсын мэдлэгээ ашиглан ямар нэг цоо шинэ, хүмүүсийг гайхшируулсан шинэ үйлчилгээ дахин танилцуулахыг эрмэлзэж буйгаа “Forbes Mongolia” сэтгүүлтэй хуваалцлаа. Олон улсын хандлагыг мэдэрсэн шинэчлэл, шинэ үйлчилгээ, бизнестээ баримталдаг ёс зүй, зарчмаараа тэрбээр дэлхийн хэмжээний бизнесмэн гэдгээ нотлон харуулдаг (“Сайн нэрийг тамгална”, хуудас 16). Энтрепренер, баялаг бүтээгчдийн ийм эрмэлзэл дэлхий даяар шинэ технологи, шинэ нээлтийг алхам тутамд төрүүлж байна. Тэдний хүчээр технологи бүхий л салбарт хүлээлтийг эвдэн хөгжиж буй юм. Такси үйлчилгээний уламжлалт ойлголтыг эвдэж, “бүтээлч сүйрэл” гэж юу болохыг олон улсад таниулсан “Uber” компани энэ онд IPO хийхээр төлөвлөж байна. Гэвч компанийн өсөлт зах зээлийн шуурганд саарч буй энэ үед өмнө нь төдийлэн ойшоодоггүй байсан хоол хүргэлтийн салбар компани нь “Uber”-ийг түших болоод байна. Зах зээлийн боломжийг нь харгалзан үзэж хөрөнгө оруулагч, шинжээчид тус компанийг “алтны уурхай” хэмээн томьёолж байна (“Uber-ийн нууц “алтны уурхай”, хуудас 62).
Технологид суурилсан санхүүгийн шилдэг 50 компанийг “Forbes” дөрөв дэх жилдээ эрэмбэллээ. Дэвшилт технологийн тусламжтайгаар санхүүгийн үйлчилгээг хялбар, шуурхай хүргэдэг финтекийн үйлчилгээ дэлхий дахинд хурдацтай тархаж, өдгөө хамгийн өсөлттэй салбарт тооцогдох болжээ. Салбарын хөрөнгө оруулалт ганцхан жилийн хугацаанд хоёр дахин нэмэгдэж дэлхий даяар нийт 55 тэрбум ам.долларт хүрсэн бол нэг тэрбум ам.доллараас дээш үнэлгээтэй 19 компани зөвхөн АНУ-ын санхүүгийн зах зээлд төвлөрөн ажиллаж байгаа нь энэ салбарын өсөлтийн потенциалыг илтгэнэ (“Финтек 50”, хуудас 52).

Хөгжил дэвшил эрчимжихийн хэрээр дэлхийн эдийн засгийн бүтэц сэлгэж буй тухай олон улсын мэдээллийн хэрэгслүүд шуугиж байна. Арав гаруйхан жилийн өмнөөс л идэвхжиж эхэлсэн салбар руу дэлхийн эдийн засгийн хүчний төв хэлбийх болов. Түүний адил өнөөдөр хамгийн хүчирхэгт тооцогдож буй салбар ч сулрах эрсдэл дэлхийн эдийн засагт бодитоор нүүрлэж байна. Шилжилтийн энэ цаг үед эдийн засаг, бизнесээ төрөлжүүлэхийг дэлхийн улс орнууд, бизнесүүд эрмэлзэж буй. Өөрөөр хэлбэл, эдийн засаг, бизнесийн олон тулгуурт бүтцийн тухай тэд өгүүлж буй юм.
Монголд ойр жишээ татъя. Манай улсын экспортын үлэмж хэсгийг бүрдүүлдэг нүүрсний хэрэглээг бууруулах, бүрмөсөн түүнээс татгалзах алхмыг дэлхийн хөгжингүй улс орнууд шат дараалан авч байна. Монгол Улсын хувьд “аюулын” хэмээн тодорхойлж болох энэ харангыг хөгжиж буй орнуудад хараахан дэлдэж эхлээгүй ч Монгол Улс эдийн засгаа уул уурхайгаас бусад салбартаа төрөлжүүлэх шаардлага тулгарч байгааг эдгээр үйл явц анхааруулан дохиолж байна. Мал аж ахуй, аялал жуулчлал Монголын эдийн засгийг төрөлжүүлэх хамгийн ойрын, өгөөжтэй салбар хэмээн Азийн хөгжлийн банкны Монгол дахь суурин төлөөлөгч хатагтай Ёланда Фернандез Ломмэн томьёолж байна (“Эдийн засгийн эрүүл бүтцийн эрэлд”, хуудас 22). Тэгвэл олон улсын эдийн засгийн харилцааны чиглэлээр мэргэшсэн, Монголын хувийн хэвшлийн хүчирхэг төлөөллүүдийн нэг “Наран групп” компанийн ТУЗ-ийн дарга ноён Сэрээтэрийн Болдхэт мөн Монголын экспортыг мал аж ахуйн салбарт тэлэх боломж асар их бий хэмээн тодотгожээ. Монголын төрд ажилласан түүхээрээ бизнесийн бусад гигантаас ялгардаг тэрбээр мөн “Наран групп”-ийнхээ бизнесийг хөнгөн үйлдвэрлэл, аялал жуулчлалын салбарт өргөжүүлэхээр зэхэж буйгаа “Forbes Mongolia” сэтгүүлтэй хуваалцсан байна (“С.Болдхэт: Бизнесийг баримжаагаар хийдэггүй”, хуудас 14). Болгооно уу.

Ямагт өөрчлөгдөн шинэчлэгдэж буй бизнесийн ертөнцөд тэрхүү шинэчлэлээс хоцролгүй манлайлж чадсан нь зах зээлд тунаж үлддэгийг түүх батлан харуулсаар байна. Тэгвэл тэрхүү өөрчлөлтийг үргэлж мэдэрч, ирээдүйг тоссон шинэчлэлүүдийг өөрийн бизнестээ 20 гаруй жилийн уртад тогтмол хэрэгжүүлсэн Жефф Безос өдгөө дэлхийн хамгийн чинээлэг иргэн болов. Дэлхийн хамгийн инновацилаг удирдагч гэх тодорхойлолт түүнийг мөн дагаж байна. Цагийг алгасаж урагш тэмүүлсэн энэ чанарынхаа ачаар Безос “Дэлхийн тэрбумтнууд” эрэмбийн тэргүүн байранд “домог” болтлоо хоногшсон Билл Гейтсийг 22 тэрбум ам.долларын зөрүүтэй ардаа орхиж жагсаалтыг тэргүүлж эхэлсэн юм. Өдгөө өрсөлдөгчид төдийгүй өөр бусад салбарын бизнесмэнүүд хүртэл түүнээс түгшиж, шинэ тактикийн эрэлд “хатаж” байна. Бизнесийн түүхэнд шинээр домог бүтээж буй “Amazon” компанийн үүсгэн байгуулагч Жефф Безос “Forbes” сэтгүүлд тусгай ярилцлага өглөө. (“Дийлдэшгүй Безос”, хуудас 36).
Ерөөс өрсөлдөөний тактикаа өөрчилж, үүсэж буй шинэ орчинд зохицуулан бизнесийн арга барилаа өөрчлөх тухай дэлхийн бизнесмэнүүд өгүүлж байна. Өөр нэгэн жишээ татъя.
Нэгэн цагт суурин компьютерийн худалдаагаар дэлхийн өнцөг булан бүрт хүрч байсан Тайванийн “Acer” компани өндөр өрсөлдөөн, ухаалаг утасны хэрэглээнд цохигдож, “Дэлхийн хамгийн том 2000 компани” жагсаалтаас хүртэл арчигдаж байсан ч шинэ удирдлагын хүчээр зах зээлд өөрийн гэсэн орон зайг дахин эзэлж чадлаа. Тэд бизнесийнхээ стратегийг өөрчилж, масс зах зээлд бус, шинэ үеийнхний хэрэгцээнд суурилан өсөж байна (“Өрсөлдөөнд бэлэн”, хуудас 71).
Харин Хятадын эдийн засаг бүтцээ сууриар нь өөрчилж буй энэ үед хаяа дэрлэсэн энэ том зах зээлийн төлөө өрсөлдөх өөр гарц, шинэ тактик эрэлхийлэх шаардлага Монгол Улсын хувьд улам хүчтэй тулгарч эхэллээ (“Хятадын шинэ зах зээлд Монгол хэрхэн өрсөлдөх вэ”, хуудас 14).

Технологийн хөгжил дэлхийн, хүн төрөлхтний ирээдүйд үлэмж нөлөө үзүүлэх болов. Америкийн хамгийн чинээлэг 400 эрхмийг шалгаруулдаг энэ жилийн “Forbes 400” эрэмбэд хэдийгээр хамгийн олон гишүүнтэй салбараар 88 тэрбумтантай санхүү, хөрөнгө оруулалтын салбар нэрлэгдсэн ч технологи 65 тэрбумтан гишүүнтэйгээр араас нь нэхэж байна. Өөрөөр хэлбэл, технологийн салбар дэлхийн бизнесийн салбарт хүчээ аван, нөлөөгөө бэхжүүлсээр байна. Тэдгээрийн дундаас технологийн салбараас мэндэлсэн хамгийн залуу тэрбумтнуудын бизнесийн адал явдлыг бид энэ дугаартаа онцлов. “Airbnb”-ийн Брайан Чески (“Шинэ цагийн “Amazon””, хуудас 60), “WhatsApp”-ийн Брайан Актон (“850 сая ам.доллар хаясан түүх”, хуудас 92). Өөр хоорондоо ялгаатай салбаруудад ажиллаж буй хэдий ч тэд технологийн хөгжлийн хүчээр бизнесээ босгож, тэрбумтнуудын эгнээнд нэгдсэн юм.
Технологи болон бизнесийн амжилт хоорондын харилцан хамаарлыг тээр хол Америкаас хайх шаардлагагүй. Монголын нефтийн бүтээгдэхүүний салбарт үлэмж нөлөө бүхий “Сод Монгол” группийн үүсгэн байгуулагч, ТУЗ-ийн дарга ноён Цогт-Очирын Анандбазар “Технологи бол “Сод Монгол” группийн бизнесийн цөм” хэмээн товчхон томьёолж байна. Хийсэн бизнестээ технологийн шинэчлэлийг цаг алдалгүй нэвтрүүлж, тэр хэрээрээ бизнесийн шинэ салбаруудад богино хугацаанд амжилт үзүүлж буй тэрбээр сүүлийн 10 гаруй жилийн хугацаанд анх удаа дэлгэрэнгүй ярилцлагыг “Forbes Mongolia” сэтгүүлд өгч, өөрийн бизнесийн дүрэм, өнөөдрийг хүртэл туулсан түүхээ илэн далангүй хуваалцжээ (“Хүнд үед ч өсөлт үзүүлнэ”, хуудас 14).

Технологи хөгжихийн хэрээр аливаа юмс улам бүр хялбарчлагдаж, хувьсан өөрчлөгдөн, дэлхийн эдийн засгийн бүтэц сууриараа ганхаж эхэллээ. Өөрчлөлт, шинэчлэлт, бүтээлч устгалын тухай мэдээллийг хором бүр хэрэглэгчид хүртэж, төдий чинээгээр технологи та бидний өдөр тутмын хэрэглээнд нэвтэрч байна. Тэдгээрээс технологийн давуу талыг Монголын энгийн олон нийт банк, санхүүгийн салбараас илүүтэй мэдэрч буй. Тэгвэл “Технологид үргэлжлүүлэн хөрөнгө оруулна аа” хэмээн “ХасБанк”-ны ерөнхий захирал Г.Амартүвшин өгүүлжээ. Бельги, Америкт дээд боловсрол эзэмшиж, барууны томоохон банкуудад туршлага хуримтлуулсан тэрбээр банк санхүү, технологи, эдийн засгийн талаар “Forbes Mongolia” сэтгүүлд ярилцлага өглөө (“Банкны салбарын шинэ дүр”, хуудас 12). Тэрчлэн технологийн хөгжил үүрэн холбооны бизнест шинэ боломж, бас сорилтыг авчирсан тухай бид энэ дугаартаа хөндөв (“Үүрэн холбооны өрсөлдөөний шинэ талбар: Дата”, хуудас 24).
Дэлхий дахины уул уурхайн бизнест шийдвэр гаргах түвшинд эмэгтэйчүүдийн оролцоо жин дарж эхэллээ. Уул уурхайн “Rio Tinto”, BHP, “Fortescue” тэргүүтэй гигантуудын томоохон төслүүдэд эмэгтэй захирлууд жинтэй хувь нэмэр оруулж байна. Технологийн тусламжтайгаар тэд уул уурхайн бизнесийн ашигтай ажиллагааг дахин сайжруулж, бас эрсдэлийг бууруулж байна (“Уул уурхайн технологийн төмөр хатагтай нар”, хуудас 48).
Өнгөрсөн дөрөвдүгээр сард Өмнөд Солонгосын Ерөнхийлөгч Мүн Жэ Ин Умард Солонгосын удирдагч Ким Жөн Унтай хоёр улсын хил дээр түүхэн дээд хэмжээний уулзалт хийж, хоёр улсын хоорондох хурцадмал байдал зөөлөрснөөр Өмнөд Солонгосын зах зээл, бизнесийн орчинд эерэг уур амьсгал бүрджээ. Ийнхүү өнгөрсөн жил 38 байсан тэрбумтны тоо энэ онд 45 болж огцом нэмэгдсэний дотор өндөр боловсрол эзэмшээгүй ч ур чадвар, уйгагүй хөдөлмөрийнхөө ачаар тансаг зэрэглэлийн зах зээлд нэвтэрч, шинээр тэрбумтнуудын эгнээнд нэгдсэн Кенни Пакийн түүхийг та бүхэнд танилцуулж байна (“Солонгосчууд тэрбумтан болж буй нууцаас”, хуудас 54).

Монгол Улсын эдийн засгийн өсөлт дэлхий дахины анхаарлын төвд орсон энэ арванд эдийн засгаа төрөлжүүлэхийг шинжээчид олонтаа анхааруулж байлаа. Өдгөө эдийн засгийн өсөлт хэдийгээр энэ арваны эхний өдрүүд шиг өөд цойлоогүй ч Монгол орон даяар өсөлтийг тэтгэх шинэ үйлдвэр, бизнес өндийж, хүчирхэгжиж байгааг энд тэмдэглэе. Тэдний нэг бол “Алтай групп”. Барилгын салбарт толгой цохидог “Алтай групп” газар тариалангийн салбарт хөл тавьж бизнесээ төрөлжүүлээд багагүй хугацаа өнгөрлөө. Экспортод чиглэсэн газар тариалангийн аж ахуй бол Монголын хөдөө аж ахуй хөгжих дараагийн алхам хэмээн группийн ерөнхийлөгч ноён Хадбаасангийн Бат-Эрдэнэ тодотгож байна. Монгол нутгийн зүүн чанадад тариалсан тариа буудайгаа Зүүн Өмнөд Азийн зах зээлд экспортолж, улмаар эрчимжсэн мал аж ахуйг дэлхийн стандартаар Монголд хөгжүүлэхийг тэрбээр эрмэлзэж байна (“Өсөлттэй коллекц”, хуудас 14).
Дэлхийн хамгийн том нээлттэй хувьцаат компаниудыг шалгаруулдаг “Global 2000” жагсаалт 16 дахь жилтэйгээ золголоо. Худалдааны дайн зарласан дэлхийн хамгийн том хоёр эдийн засаг энэхүү жагсаалтыг эзэгнэж байна. Ялангуяа БНХАУ-ын компаниуд жил бүр урагш ахисан үзүүлэлт харуулж байгаа юм. 2003 онд Хятад, Хонконгийн ердөө 43 компани жагсаалтад багтаж байсан бол энэ жил 291 болж нэмэгджээ. Ази, Номхон далайн бүсийн компаниуд ерөөс бүхэлдээ чансаа нэмэн урагшилж буй дүр зураг энэ жагсаалтаас харагдаж байна (“Global 2000: Дэлхийн хамгийн том компаниуд”, хуудас 58).
“Дэлхийн хамгийн хүчирхэг 100 эмэгтэй” жагсаалтыг “Forbes” анх 14 жилийн өмнө танилцуулах үед Азиас онцлох эмэгтэйчүүдийн тоо тун цөөхөн байсан бол өдгөө 23 хувийг эзлэх болжээ. Азийн улс төр, бизнесийн ертөнцөд эмэгтэйчүүдийн эзлэх хувь, нөлөөлөл нэмэгдсээр байна. Азийн бизнесийн ертөнцөд шинэ тутам мэндэлж буй хүчирхэг 25 хатагтайн амжилтын түүхийг бид энэ удаагийн дугаартаа танилцуулж байна (“Азийн шинэ, шилдэг бизнес эрхлэгч эмэгтэйчүүд”, хуудас 86).

Монгол Улсын эдийн засагт газар тариалангийн эзлэх жинг нэмэхийг “Гацуурт” группийн ерөнхий захирал ноён Л.Чинбат эрмэлзэж байна. Ингэхдээ уламжлалт аргаар бус, харин дэлхийн технологийг ашиглаж, аж ахуйдаа өөрчлөлтийг бүтээж байгаа юм. Монгол орны хөдөө аж ахуйн жишиг хэмээн томьёолж болохуйц түүний компанийн амжилтын нууц нь Монгол хүнд эрүүл хүнс хүргэх түүний мөрөөдөлтэй холбоотой (“Уул уурхайгаас органик хүртэл”,
хуудас 12).
Чөлөөт худалдаа, бага татвар, хууль тогтоомжийн цөөхнийг эрхэмлэдэг Эммануэль Макрон Бүгд Найрамдах Франц улсын Ерөнхийлөгчөөр сонгогдсоноос хойш нэг жилийг үджээ. Энтрепренерүүдэд халгаатай, өндөр татвартай улсад бизнесийн таатай орчин бүрдүүлэхээр зорьж буй түүний потенциалыг Франц улс ашиглаж чадах болов уу? (“Францын тулах цэг”, хуудас 44)
Тэгвэл Монгол Улсын гуравдагч хөрш Японы эдийн засаг болоод бизнесмэнүүдийн хувьд өнгөрсөн нэг жилийн хугацаа тун ээлтэй байлаа. Иений ханш ам.долларын эсрэг зургаан хувиар чангарч, тус улсыг зорьсон жуулчдын тоо дээд түвшиндээ хүрчээ. Үүний үр дүнд Японы хамгийн чинээлэг 50 эрхмийн хөрөнгө нэг жилийн дотор 152 тэрбумаас 186 тэрбум ам.доллар хүртэл өссөн байна. Өсөлтийн дийлэнхийг программ хангамж, үйлдвэрлэл, худалдаа, гоо сайхны салбар бүрдүүлж байгаа юм (“Япончууд тэрбумтан болж буй нууцаас”, хуудас 56).
Бизнесийн ертөнцөд компаниудыг хөрөнгийн хэмжээ, өсөлтийн хурдаар нь эрэмбэлдэг. Тэгвэл “Forbes” сэтгүүлээс тодруулдаг, тооноос илүү чанарыг эрхэмлэдэг Америкийн хувийн өмчит шилдэг 25 компанийн 2018 оны жагсаалт бэлэн болжээ (“Бяцхан аваргууд”, хуудас 68). Болгооно уу.

Хатагтай Жанчивын Оюунгэрэлийн үүсгэн байгуулж, өдгөө тэргүүлж буй “Петровис” групп Монголын улс төр, эдийн засгийн уналт, өсөлтийн туршид нефтийн бүтээгдэхүүний зах зээлийн гол тоглогчийн байр суурийг бат эзэгнэсээр байна. Харин өдгөө тэрбээр Монголын уудам нутгаас хар алт олборлож, боловсруулах төлөвлөгөөгөө улам эрчимжүүлж эхэллээ.

Монголын тэргүүлэх эрдэмтдийн нэг ноён Л.Хүрэлбаатарын тэртээ 1993 онд үүсгэн байгуулсан “Монос” группийн үйл ажиллагаа өдгөө эм, эмийн бүтээгдэхүүн, хүнсний нэмэлт бүтээгдэхүүний үйлдвэрлэлээр үл хязгаарлагдана. Үл хөдлөх хөрөнгө, санхүүгийн салбарт ч тэд хөл тавьсан төдийгүй өдгөө дэлхийн зах зээл рүү тэмүүлснээрээ бизнесийн ертөнцөд хил хязгаар үгүйг нийгэм даяар нотлон харуулж байна (“Инновацийн хаант улс”, хуудас 12).

25 жилийн түүхтэй “Монполимет” группийн ерөнхий захирал хатагтай Н.Мөнхнасан “Forbes Mongolia” сэтгүүлийн шинэ дугаарт тусгайлан ярилцлага өгсөн юм. Монголын шилдэг 20 групп компанийн арвангуравдугаарт эрэмбэлэгдсэн“Монполимет” групп хэдийгээр Монголын аж үйлдвэр, эдийн засагт өөрийн нөлөөлөл, эрэмбээ аль хэдийнэ тогтоож, байр сууриа бэхжүүлсэн ч шинэ ерөнхий захирал Н.Мөнхнасан түүнийг дахин шинэ түвшинд аваачиж байна. Түүний амжилттай нүүдлүүдийн нууц юу бол? (“Шинэ үеийн лидер”, хуудас 12).

Үндэсний уламжлал, бахархлыг шингээсэн бүтээн байгуулалтуудаараа бизнесийн ертөнцөд цахиур хагалж, анхдагч хэмээн тодотгохуйц бизнесүүдээрээ Монголын бизнесийн түүхийн эхний мөрүүдийг бичилцэж байсан ноён Х.Баттулга Монголын улс төрийн дээд эрэмбийн албан тушаалд сонгогдоод хараахан нэг жил болоогүй байна. Түүний бүтээн байгуулсан “Женко” группийг (“Үндэстний
бахархлыг төрүүлсэн үндэсний бизнес”, хуудас 12) “Forbes Mongolia” шинэ дугаартаа онцоллоо.

July - August 2021

June 2021

April - May 2021

January - February 2021

August - September 2020

June - July 2020

January - February 2020

December 2019 - January 2020

November - December 2019

October - November  2019

September - October 2019

August - September 2019

July - August 2019

June - July 2019

May - June 2019

April 2019

Forbes Mongolia сэтгүүл Монголын баялаг бүтээгч, бизнес эрхлэгч хүчирхэг эрхмүүдийн талаар, мөн тэдний амжилтын түүхийг танд хүргэдэг билээ. Түүнчлэн дэлхийд данстай хөрөнгөтнүүд болон шинэ бизнес, шинэ санаа, шинэ технологи зэрэг бизнесийн салбарт түүчээлж буй аливаа ажил хэргийн талаар уншигчиддаа толилуулдаг.

1. Usted acepta que el uso de Magzter.com, la aplicación y sus servicios son bajo su propio riesgo. Ni Magzter.com ni sus asociados ni empleados ni proveedores de contenido de terceros garantizan que el servicio será completamente ininterrumpido o libre de errores o infalible contra actividades maliciosas. Tampoco garantizan que obtendrá los resultados exactos esperados o prometidos por el sitio web o el producto.

11. EL SERVICIO Y TODAS LAS PUBLICACIONES SE PROPORCIONAN 'TAL CUAL' Y 'SEGÚN DISPONIBILIDAD'. MAGZTER, SUS AFILIADOS, PROVEEDORES, LICENCIANTES Y AGENTES RENUNCIA EXPRESAMENTE A TODAS LAS GARANTÍAS DE CUALQUIER TIPO, YA SEA EXPLÍCITA O IMPLÍCITA, INCLUIDAS, ENTRE OTRAS, LAS GARANTÍAS IMPLÍCITAS DE COMERCIABILIDAD, IDONEIDAD PARA UN FIN DETERMINADO Y NO VIOLACIÓN. SIN LIMITAR LO ANTERIOR, NI MAGZTER NI SUS AFILIADOS, PROVEEDORES, LICENCIANTES O AGENTES OFRECEN NINGUNA GARANTÍA DE QUE (I) EL SERVICIO CUMPLIRÁ CON SUS REQUISITOS, (II) EL SERVICIO SERÁ ININTERRUMPIDO, PUNTUAL, SEGURO O LIBRE DE ERRORES, ( III) LA INFORMACIÓN QUE PUEDE OBTENERSE DEL USO DEL SERVICIO O QUE PUEDE ESTAR CONTENIDA EN LAS PUBLICACIONES SERÁ EXACTA O CONFIABLE, O (IV) LA CALIDAD DE CUALQUIER PUBLICACIÓN O DEL SERVICIO CUMPLIRÁ CON SUS EXPECTATIVAS. USTED ES EL ÚNICO RESPONSABLE DE OBTENER Y MANTENER UNA CONECTIVIDAD CONFIABLE A INTERNET Y SU DISPOSITIVO. MAGZTER NO ES RESPONSABLE DE SU INCAPACIDAD PARA DESCARGAR CONTENIDO. CUALQUIER MATERIAL DESCARGADO U OBTENIDO DE OTRO MODO A TRAVÉS DEL USO DEL SERVICIO SE REALIZA BAJO SU PROPIA DISCRECIÓN Y RIESGO Y USTED SERÁ EL ÚNICO RESPONSABLE DE CUALQUIER DAÑO A SU SISTEMA INFORMÁTICO O DISPOSITIVO MÓVIL O PÉRDIDA DE DATOS QUE RESULTE DE LA DESCARGA DE DICHO MATERIAL. NINGÚN CONSEJO O INFORMACIÓN, YA SEA ORAL O ESCRITO, OBTENIDO POR USTED DE MAGZTER O A TRAVÉS DEL SERVICIO CREARÁ NINGUNA GARANTÍA.

2. Mantendrá y actualizará de inmediato esa información para mantenerla verdadera, precisa, actual y completa. Usted es responsable de mantener la confidencialidad de su cuenta y contraseña y de restringir el acceso a su computadora, y acepta aceptar la responsabilidad de todas las actividades que ocurran en su cuenta, incluida la selección y el uso de todo el contenido y los servicios.

3. En ningún caso Magzter.com o cualquier persona o entidad o tercero involucrado en la creación, producción y distribución del contenido en el sitio web y la aplicación será responsable por contrato o legalmente por cualquier daño, incluidos, entre otros, directos, indirectos, incidentales, especiales y consecuentes incurridos por usted durante o al usar Magzter.com. Al registrarse en el sitio web o descargar la aplicación, acepta que las disposiciones mencionadas en esta sección se aplicarán a todo uso y contenido del sitio web y la aplicación.

3. Sin el permiso previo por escrito o autorizado de Magzter, no debe modificar, copiar, distribuir ni vender ningún contenido obtenido de Magzter, ya que todo lo publicado aquí es propiedad exclusiva de Magzter o sus licenciantes. Dado que dicho uso no autorizado también puede violar las leyes aplicables, incluidas las leyes de derechos de autor y marcas registradas, Magzter las prohíbe estrictamente y cancelará su acceso y su cuenta si se prueba o detecta dicha actividad ilegal. También debe ser responsable de los daños causados por estas actividades no autorizadas. Salvo que lo permita el propietario legítimo de la Publicación, usted reconoce que no adquiere ningún derecho de propiedad al descargar las Publicaciones a las que accede a través del Servicio. Salvo que lo exija explícitamente la ley de derechos de autor o lo permitan las características del Servicio, no puede modificar, aplicar ingeniería inversa, publicar, transmitir, exhibir, participar en la transferencia o venta, crear obras derivadas de, o de ninguna manera explotar comercialmente o proporcionar a un tercero el contenido de la Aplicación, las Publicaciones o cualquier parte de ellas sin el permiso expreso de Magzter y el propietario de dicho contenido. No le otorgamos ninguna licencia, expresa o implícita, de la propiedad intelectual de Magzter o de los licenciantes de Magzter.

5. Usted reconoce específicamente que Magzter.com no es responsable de ningún tipo de conducta difamatoria, ofensiva o ilegal de otros usuarios o terceros o su contenido y que el riesgo de lesión por lo anterior recae completamente en usted.

8. Magzter se reserva todos los derechos de monitorear el contenido publicado e ingresado por usted con el fin de determinar si cumple con estos términos y condiciones y otras reglas operativas determinadas por Magzter. Magzter tiene derecho a tomar decisiones sobre los contenidos y eliminarlos a su propia voluntad.

9. Magzter es un distribuidor y NO un editor de las Publicaciones, por lo que Magzter no tiene control editorial sobre el contenido, incluidas opiniones, consejos, declaraciones, servicios, ofertas, etc., que se representa en las revistas. Por lo tanto, Magzter no asumirá responsabilidad por la exactitud o confiabilidad de cualquier información o hecho proporcionado en el mismo o que esté disponible a través del servicio, por cualquier persona que no sea empleados autorizados de Magzter que estén actuando en sus capacidades oficiales. En consecuencia, no tenemos control editorial sobre las Publicaciones. Cualquier opinión, consejo, declaración, servicio, oferta u otra información o contenido expresado o puesto a disposición por terceros, incluidos los realizados en las Publicaciones ofrecidas por el Servicio, son de los respectivos autores o editores y no de Magzter. Magzter no será responsable de ninguna pérdida o daño causado por su confianza en la información obtenida a través del Servicio o de las Publicaciones. El Servicio puede contener enlaces a otros sitios de Internet y recursos de terceros y Magzter no asume ninguna responsabilidad por las comunicaciones o materiales disponibles en dichos sitios vinculados. Estos enlaces se proporcionan únicamente para su comodidad. Usted es el único responsable de comprender los términos y condiciones que puedan aplicarse cuando visita o realiza un pedido a través de un sitio de terceros.

El acceso, la navegación y el uso del sitio web de Magzter, los servicios de Internet y las aplicaciones para dispositivos móviles ('Aplicación') están sujetos a los siguientes Términos y condiciones ('Términos'). Por favor, lea estos Términos detenidamente. Crear una cuenta con Magzter ('nosotros', 'nosotros') o usar cualquier servicio o aplicación de Magzter o relacionado con Magzter significará que ha leído, entendido y acepta estar sujeto a estos Términos y cumplir con todas las leyes aplicables y reglamentos Estos Términos constituyen un acuerdo vinculante entre usted y Magzter Inc. y sus afiliados. Si no está de acuerdo con estos Términos, no puede usar el Servicio. ESTOS TÉRMINOS CONTIENEN RENUNCIAS DE GARANTÍA Y OTRAS DISPOSICIONES QUE LIMITAN LA RESPONSABILIDAD DE MAGZTER, POR LO QUE POR FAVOR LEA ESTOS TÉRMINOS EN SU TOTALIDAD. Magzter se reserva el derecho de cancelar inmediatamente su acceso al sitio web, servicio o aplicación relacionada con Magzter, si no cumple con este acuerdo. El sitio web de Magzter, los servicios de Internet y las aplicaciones para dispositivos móviles constituyen colectivamente el 'Servicio'. Este Servicio es propiedad y está operado por Magzter Inc. El Servicio incluye el sitio web www.magzter.com y la aplicación que le brinda la capacidad de ordenar, suscribirse y recibir la entrega de varias revistas, libros, noticias y contenido relacionado con revistas y publicaciones. (conocidos colectivamente como 'Publicaciones') y recibir estas versiones digitales de las Publicaciones.

 Detalles del contenido objetable, incluido su enlace en nuestra plataforma

 Descarga tus títulos favoritos y léelos sin conexión, en cualquier momento y en cualquier lugar

 Regale a sus seres queridos una tarjeta de regalo de Magzter al instante y déles la libertad de leer sus revistas y periódicos favoritos de miles de títulos más vendidos.

Gift your loved ones with a Magzter Gift Card instantly and give them the freedom to read their favorite magazines from thousands of best-selling titles.

Regara a tus seres queridos una Tarjeta de regalo de Magzter y dales la libertad de leer sus revistas favoritas entre {{magCount}} títulos internacionales de mayor venta.

Girish Ramdas es cofundador y director ejecutivo de Magzter, una empresa nueva con sede en Nueva York que ha estado causando sensación en el negocio editorial digital mundial. Magzter ha superado los 80 millones de usuarios desde su creación en 2011 de más de 150 países con miles de revistas, periódicos y libros de más de 4500 editoriales de todo el mundo. Tiene más de 25 años de experiencia en publicación multiplataforma, incluido el desarrollo web, móvil y impreso. Durante este período, cofundó y dirigió tres exitosas empresas emergentes. Ha permitido que las empresas de revistas se vuelvan digitales y las ayuda a monetizar su contenido en todo el mundo digital. La profunda experiencia de Girish en la industria en ecosistemas en línea, móviles y editoriales lo ha convertido en un experto en adquisición, mercadeo y monetización de contenido digital en plataformas a nivel mundial.

 En caso de que encuentre algún contenido objetable en nuestra plataforma, hemos implementado una política de reparación de quejas para abordar sus inquietudes.

Magzter Inc. (”Compañía” , ”nosotros” , ”nos”  o ”nuestro” ) sabe que le importa cómo se usa y comparte su información personal.Lea la siguiente política de privacidad(la ”Política” ) para obtener más información sobre nuestras prácticas de privacidad.Al visitar cualquiera de los sitios web operados por la Compañía y cualquiera de sus subdominios, o al usar cualquiera de nuestras aplicaciones móviles y otros métodos de distribución de contenido(colectivamente, el ”Servicio” ), usted reconoce que acepta las prácticas y políticas descritas.en esta Política, y usted acepta que recopilaremos, usaremos y compartiremos su información de las siguientes maneras.

Magzter Inc. es el puesto de periódicos digital multiplataforma de autoservicio más grande y de más rápido crecimiento del mundo con más de 80 millones de usuarios desde su creación en 2011 y miles de revistas y periódicos en más de 40 categorías y más de 60 idiomas. Con sede en Nueva York, Magzter tiene presencia local en Ámsterdam, Londres, Ciudad de México, Chennai, Mumbai, Nueva Delhi, Bangalore, Singapur y pronto se expandirá a otros países. Fundada por los empresarios globales, Girish Ramdas y Vijay Radhakrishnan en junio de 2011, Magzter permite a los editores de revistas y periódicos de todo el mundo crear y entregar ediciones digitales de sus títulos a los consumidores globales.

 Magzter se compromete a proporcionar una plataforma segura para nuestros usuarios. Tenga en cuenta que Magzter es simplemente una plataforma para que los editores distribuyan su contenido. No controlamos ni respaldamos el contenido publicado en nuestra plataforma. No podemos responsabilizarnos por las acciones de nuestros editores o su contenido.

Magzter no es responsable de indemnizar a ninguna parte que haya sufrido daños o incurrido en costos debido a cualquier contenido, o parte del contenido, que viole sus derechos. Magzter no es responsable de enfrentar ninguna acción legal en un tribunal civil por cualquier violación de derechos causada por cualquier contenido, o parte del contenido, que infrinja los derechos de un tercero.

Magzter ofrece el servicio de suscripción ”All- You - Can - Read”  más grande del mundo llamado Magzter GOLD, que brinda a los lectores digitales acceso ilimitado a más de 8500 revistas y periódicos por un precio de suscripción mensual.Magzter también tiene la mayor cantidad de historias en el mundo con su innovadora función ezRead 2.0 para sus aplicaciones, que permite a los usuarios de teléfonos inteligentes y dispositivos móviles de pantalla pequeña disfrutar el contenido de la revista de la manera en que debe disfrutarse, con el texto del artículo que es fácil de leer y se acompaña de impresionantes videos y fotografías de alta resolución.

Nombre

Llena este formulario si necesitas ayuda para publicar tu contenido en Magzter

 Antes de Magzter, fue presidente de Dot Com Infoway (DCI) y Galatta Media. Sus funciones incluían marketing estratégico, desarrollo de asociaciones y monetización de contenido a nivel mundial. DCI creció de un pequeño equipo de 3 en 2000 a 300 en 2011 y se ocupaba del desarrollo web, de software y de aplicaciones para clientes de todo el mundo.

Desde que iniciamos, Magzter ha estado comprometida para asociarse con organizaciones globales para brindar la mayor tecnología y servicio de puesto de revistas posible a nuestros clientes. Si estás buscando ofrecer suscripciones a revistas a tu base de datos de clientes o si solo quieres aprender más, Magzter está comprometida a ayudar al crecimiento de tu empresa. Para obtener más información, llena el siguiente cuestionario:

 La DMCA nos permite restaurar el contenido eliminado si la parte que presentó el Aviso de DMCA original no presenta una acción judicial en su contra dentro de los diez días hábiles posteriores a la recepción de la copia de su Contraaviso.

Esta Política cubre el tratamiento de la Compañía de la información de identificación personal(”Información personal”) y otra información sobre usted y su computadora o dispositivo que la Compañía recopila cuando accede al Servicio.Podemos recopilar Información personal de usted, como se explica con más detalle a continuación, y usamos esta Información personal internamente en relación con nuestros Servicios, incluso para personalizar, proporcionar y mejorar nuestros productos, servicios, contenido y publicidad, y para permitirle para configurar una cuenta y un perfil de usuario, para contactarlo, para cumplir con sus solicitudes de ciertos productos y servicios, y para analizar cómo usa los Servicios.En ciertos casos, también podemos compartir cierta información personal con terceros, pero solo como se describe en el punto 4.

Este título está incluido con su suscripción Magzter GOLD

 Para analizar la calidad del contenido y proporcionar comentarios apropiados a los editores.

 Hemos designado un oficial de quejas para abordar cualquier queja relacionada con contenido objetable.

 Solicitamos que cualquier queja relacionada con contenido objetable se envíe al Oficial de quejas por correo electrónico a la dirección de correo electrónico mencionada anteriormente. También le solicitamos que proporcione los siguientes detalles al presentar una queja

y la Aplicación que le brinda la capacidad de ordenar, suscribirse y recibir la entrega de varias revistas, libros, noticias y contenido relacionado con revistas y publicaciones (conocidos colectivamente como "Publicaciones") y recibir estas versiones digitales de las Publicaciones

C.También recopilamos información asociada con su uso de la aplicación para hacer recomendaciones personalizadas.Si nos proporciona las credenciales de su cuenta de terceros, comprende que parte del contenido o la información de esas cuentas(”Información de la cuenta de terceros”) se puede transmitir a su cuenta con nosotros si autoriza dichas transmisiones, y esa cuenta de terceros La información transmitida al Servicio está cubierta por esta Política.

 F. La información personal que recopilamos nos permite responder a sus solicitudes, mejorar nuestros productos y servicios, personalizar la publicidad y el contenido que ve y comunicarnos con usted sobre nuevos productos.

es el puesto de periódicos digital multiplataforma de autoservicio más grande y de más rápido crecimiento del mundo con más de 85 millones de usuarios desde su creación en 2011 y miles de revistas y periódicos en más de 40 categorías y más de 60 idiomas. Con sede en Nueva York, Magzter tiene presencia local en Ámsterdam, Londres, Ciudad de México, Chennai, Mumbai, Nueva Delhi, Bangalore, Singapur y pronto se expandirá a otros países. Fundada por los empresarios globales, Girish Ramdas y Vijay Radhakrishnan en junio de 2011, Magzter permite a los editores de revistas y periódicos de todo el mundo crear y entregar ediciones digitales de sus títulos a los consumidores globales.

 norte. También utilizaremos la información de uso para garantizar que los usuarios cumplan con nuestros Términos de uso. Por ejemplo, la información de uso de un usuario nos ayudará a confirmar que un usuario solo descarga una revista u otro contenido un número permitido de veces o en un número permitido de dispositivos.

 que brinda a los lectores digitales acceso ilimitado a más de 8500 revistas y periódicos por un precio de suscripción mensual. Magzter también tiene la mayor cantidad de historias en el mundo con su innovadora función ezRead 2.0 para sus aplicaciones, que permite a los usuarios de teléfonos inteligentes y dispositivos móviles de pantalla pequeña disfrutar el contenido de la revista de la manera en que debe disfrutarse, con el texto del artículo que es fácil de leer y se acompaña de impresionantes videos y fotografías de alta resolución.

Forbes Mongolia - September 2018

Forbes Mongolia - September 2018

En este asunto

Forbes Mongolia Magazine Description: