மக்களை விட் 6 மடங்கு அதிகம்.. நகரங்களில் பெருகி வரும் எலிகள்!

நகரங்களில் பெருதி வரும் எலிகள்!

- எஸ்.ரவீந்திரன்

இந்தியாவில் மட்டுமல்ல உலகில் உள்ள எல்லா நாடுகளிலும் எலி இனம் என்றாலே, அது கிராமப்புறமாக இருந்தாலும் சரி, நகர்புறமாக இருந்தாலும் சரி மனிதர்களுக்கு மிகப்பெரிய தலைவலியாகவே பார்க்கப்படுகிறது.

இந்த எலிகளை அழிப்பது என்பது மிகப்பெரிய சவாலாக உள்ளது. விவசாய நிலங்களில் எலிகள், வெட்டுக்கிளி போன்றவை பயிர்களை நாசம் செய்கிறது. ஒரு தோட்டத்தில் இருபது எலிகள் இருக்குமானால் அவை நூறு எலிகளாக இனப்பெருக்கம் செய்துவிடும். எனவே அதை விரட்டுவது பெரும் பாடாக உள்ளது.

எலிகளில் பல வகைகள் உள்ளன. குறிப்பாக கறுப்பு எலி, வெள்ளெலி, மூஞ்சு எலி, பெருச்சாளி என 4 வகைகள் உள்ளன. இதில் மூஞ்சு எலியால் தொந்தரவு இருக்காது. வெள்ளெலி காடுகளுக்குள் இருந்து பயிர்களுக்குள் புகுந்து நாசம் ஏற்படுத்தும். கறுப்பு எலியும் பெருச்சாளியும் பெரும்பாலும் சாக்கடையில் மட்டுமே வசிக்கும். எனவே அதை பிடிப்பது சுலபம் அல்ல.