હાઉસવાઈફ આ રીતે આપે સપનાને પાંખો

ગૃહિણી છો, પણ પોતાની થંભી ગયેલી કરિયરને ફરીથી સજાવવા ઈચ્છો છો, તો આ જાણકારી તમારા માટે જ છે...

- નસીમ અંસારી કોચર

લગ્ન પહેલાં સરિતા સિંહાએ ગ્રેજ્યુએશન પૂરું થયા પછી કેટલાય કોર્સ કર્યા હતા, જેમ કે આચાર, જેમ, ચટણી બનાવવાનો કોર્સ, સીવણ કોર્સ અને ગાર્ડનિંગ તો તેને મોટા ભાઈએ શિખવાડ્યું હતું, પરંતુ આ બધું તેણે એટલે શીખ્યું હતું, જેથી કોઈ સારા પરિવારમાં તેના લગ્ન થાય અને સાસરીમાં તેનું માનસન્માન જળવાય.

લગ્ન પછી સરિતાને ઘરના કામમાંથી નવરાશ નહોતી મળતી. નણંદ અને દિયર બંને નાના હતા, અભ્યાસ કરતા હતા. પતિ અને સસરા નોકરી કરતા હતા. વહેલી સવારે બધા માટે ચાનાસ્તો, પછી બપોરે ભોજનની તૈયારી અને પછી ઘરની સાફસફાઈ.

૩ વર્ષમાં ૨ બાળક થયા તો તે વધારે વ્યસ્ત થઈ. સમય પાંખો લગાવીને ઊડવા લાગ્યો. નણંદના લગ્ન થયા. સાસુસસરા નાના દીકરાના પરિવાર સાથે રહેવા લાગ્યા અને સરિતા પોતાના ૨ બાળક અને પતિ સાથે રહેતી. તહેવારમાં જ બધા મળતા. આજે સરિતાનો મોટો દીકરો હાઈસ્કૂલમાં તો નાનો ધોરણ ૯ માં અભ્યાસ કરે.

ફ્રી સમયનો સદુપયોગ

હવે કામનો એટલો બોજ નથી. પતિની ઓફિસ અને બાળકોના સ્કૂલે ગયા પછી સમયમાં સરિતાએ ૪-૫ છોડ અને કૂંડા ખરીદ્યા. વિચાર્યું આંગણાના એક ખૂણામાં ફૂલના છોડ વાવશે. બગીચાનો શોખ હતો, પરંતુ લગ્ન પછીના ૧૬૧૭ વર્ષમાં તેના માટે ક્યારેય સમય ન મળ્યો.

આંગણું મોટું હતું. સરિતાએ કેટલીય ક્યારી બનાવીને મરચાં, કોથમીર, ટામેટા અને રીંગણના બી વાવી દીધા. નાનાનાના છોડ જોઈને સરિતા ખુશ થઇ ગઈ. પછી યૂટયૂબ પર ગાર્ડનિંગની નવીનવી રીત જોઈને તેણે ઘરની છત પર પૂરું કિચન ગાર્ડન તૈયાર કરી લીધું.

શોખ વેપાર બન્યો.

એક દિવસ પાડોશમાં રહેતી કમલાએ તેને સલાહ આપી કે તમે પ્લાસ્ટિકની નાનીનાની બોટલ કાપીને તેમાં મસાલાના છોડ, તુલસી, એલોવેરા, વરિયાળી વગેરે થાવો છો. આ પ્લાન્ટ્સ ડિમાન્ડમાં છે અને આ પ્લાન્ટ મોંઘા વેચાય છે.