தமிழ்மொழி, மரபு, பண்பாடு, வாழ்வியல்முறைகள் தொன்மையானது

தமிழ்மொழி, தமிழ்மரபு, பண்பாடு, வாழ்வியல் முறைகள் அனைத்தும் தொன்மை வாய்ந்தது என விழுப்புரம் மாவட்ட ஆட்சியர் ஷேக் அப்துல் ரஹ்மான் தெரிவித்தார்.

- 

விழுப்புரம், ஆக.6: விழுப்புரம் அரசு சட்டக் கல்லூரியில் மாபெரும் தமிழ்க்கனவு-தமிழ் மரபு மற்றும் பண்பாட்டுப் பரப்புரை புதன்கிழமை நடைபெற்றது.

நிகழ்வுக்கு தலைமை வகித்து, விழுப்புரம் ஆட்சியர் ஷேக் அப்துல் ரஹ்மான் பேசியது: கல்லூரி மாணவ, மாணவிகளிடையே தமிழர்களின் மரபையும், தமிழ் பெருமிதத்தையும் உணர்த்தும் வகையில், தமிழ் இணைய கல்விக் கழகம் மற்றும் உயர்கல்வித்துறை இந்த நிகழ்வை நடத்தி வருகிறது. இதுபோன்ற நிகழ்வுகள் மாணவ, மாணவிகளுக்கு அறிவுரைகளை வழங்கக்கூடிய நிகழ்வாக மட்டும் இல்லாமல், அவர்களுக்கான வழிகாட்டுதல்களை வழங்கக்கூடிய நிகழ்வாகும்.

தமிழ்மொழி, தமிழ்மரபு, பண்பாட்டு, தமிழ்நாட்டின் வாழ்வியல் முறைகள் அனைத்தும் தொன்மை வாய்ந்தது. தமிழ் மொழியின் சிறப்புகள், தமிழர்களின் மரபுகளை தற்போதுள்ள இளைய தலைமுறையிடம் கொண்டு சேர்ப்பதற்காக இது போன்ற நிகழ்வுகள் நடத்தப்பட்டு வருகின்றன.