வாரியத்தை அரசு கட்டுப்படுத்தும் முயற்சி: எதிர்க்கட்சிகள் குற்றச்சாட்டு

ரயில்வே வாரியத்தின் சுதந்திரமான செயல்பாட்டை மேலும் விரிவுபடுத்தும் நோக்கில் மத்திய அரசு கொண்டுவந்த 'ரயில்வே சட்டத் திருத்த மசோதா-2024' மசோதாவுக்கு மாநிலங்களவையில் திங்கள்கிழமை ஒப்புதல் அளிக்கப்பட்டது.

- 

புது தில்லி, மார்ச் 10:

எதிர்க்கட்சி உறுப்பினர்களின் எதிர்ப்புக்கிடையே, குரல் வாக்கெடுப்பு மூலம் மசோதாவுக்கு ஒப்புதல் அளிக்கப்பட்டது.

ஏற்கெனவே, மசோதா, கடந்த ஆண்டு டிசம்பரில் மக்களவையில் அறிமுகப்படுத்தப்பட்டு ஒப்புதல் பெறப்பட்டது.

இரு அவைகளிலும் ஒப்புதல் பெறப்பட்டதால், அடுத்து குடியரசுத் தலைவரின் ஒப்புதலுக்கு அனுப்பப்பட்டு, பின்னர் சட்டமாக நடைமுறைப்படுத்தப்படும்.

1905 ரயில்வே வாரிய சட்டத்தை ரத்து செய்து, ரயில்வே வாரியத்தை 1989 ரயில்வே சட்டத்தின் கீழ் கொண்டு வருவதன் மூலம், வாரியத் தலைவர்கள் மற்றும் உறுப்பினர்கள் நியமனம், அவர்களுக்கான கல்வித் தகுதி, பதவிக் காலம் மற்றும் நிபந்தனைகளை வகுக்கும் பொறுப்பை மத்திய அரசு வசம் ஒப்படைக்க இந்த மசோதா வகை செய்கிறது.