மதிப்பிழப்பு பணத்தின் மூலம் சசிகலா வாங்கிய சர்க்கரை ஆலை மீது சிபிஐ வழக்குப் பதிவு

பண மதிப்பிழப்பு நடவடிக்கையின்போது 450 கோடி பழைய ரூபாய் நோட்டுகள் மூலம் சசிகலா வாங்கிய சர்க்கரை ஆலை மீது பெங்களூரில் உள்ள சிபிஐ-இன் வங்கி மோசடி தடுப்புப் பிரிவு வழக்குப் பதிவு செய்துள்ளது.

- 

சென்னை, செப். 6:

கருப்புப் பணத்தை ஒழிக்கும் விதமாக கடந்த 2016-ஆம் ஆண்டு புழக்கத்தில் இருந்த ரூ.500, ரூ.1,000 நோட்டுக்கள் செல்லாது என்று மத்திய அரசு அறிவித்தது. அப்போது, கருப்பு பணம் வைத்திருந்தவர்களில் சிலர் போலியான நிறுவனங்கள் தொடங்கி, பணத்தை மாற்றும் நடவடிக்கைகளில் ஈடுபட்டனர்.

இதன் விளைவாக, கடந்த 2017-ஆம் ஆண்டு 'ஆபரேஷன் க்ளீன் மணி' என்ற பெயரில் நாடு முழுவதும் சந்தேகத்துக்குரிய நிறுவனங்கள், வர்த்தக நிறுவனங்கள், தொழிலதிபர்களின் அலுவலகங்கள் ஆகியவற்றில் வருமான வரித் துறை அதிகாரிகள் திடீர் சோதனை நடத்தினர்.