இலங்கை பெண்ணுக்கு இந்திய வாக்காளர் அட்டை: தேர்தல் ஆணையத்துக்கு அமலாக்கத் துறை கடிதம்

விடுதலைப் புலிகள் அமைப்புக்கு நிதி திரட்டிய வழக்கில் சிக்கியவர்

- 

தடை செய்யப்பட்ட விடுதலைப்புலிகள் அமைப்புக்கு நிதி திரட்டிய வழக்கில் சிக்கிய இலங்கை பெண்ணுக்கு இந்திய வாக்காளர் அட்டை வழங்கப்பட்டது தொடர்பாக தேர்தல் ஆணையத்துக்கு அமலாக்கத் துறை கடிதம் அனுப்பியது.

இந்தியன் ஓவர்சீஸ் வங்கியின் மும்பை கோட்டை கிளையில், சேமிப்புக் கணக்கில் ஹமிதா ஏ லால்ஜி என்பவர் ரூ. 42.28 கோடி பணம் வைத்திருந்தார்.

இந்நிலையில் லால்ஜி இறந்து விட்டதால், அந்த வங்கிக் கணக்கு கையாளப்படாமல் இருந்தது. இதை தெரிந்து கொண்ட விடுதலைப் புலிகள் இயக்கத்தைச் சேர்ந்த ஐரோப்பா நாடான டென்மார்க்கில் வசிக்கும் உமாகாந்தன், அந்த பணத்தை தங்கள் இயக்கத்துக்காக கையாடல் செய்து அபகரிக்க முடிவு செய்ததாகக் கூறப்படுகிறது.

இதற்காக அவர், அந்தப் பணத்தை கைப்பற்ற இலங்கை தமிழரான மேரி ஃப்ரான்சிஸ்கா லட்சுமணன் (56) என்பவரை சுற்றுலா விசாவில் இந்தியா அனுப்பி வைத்தார்.

இந்தியா வந்த அவர் சென்னை சாலிகிராமத்தில் ஒரு வீட்டில் தங்கியிருந்து, போலி ஆவணங்கள் மூலம் பான் கார்டு, ஆதார் அட்டை, பாஸ்போர்ட், வாக்காளர் அடையாள அட்டை போன்றவற்றைப் பெற்றார்.