நாடாளுமன்றத்தில் எதிர்க்கட்சிகள் கடும் அமளி

அமெரிக்காவிலிருந்து இந்தியர்கள் நாடு கடத்தப்பட்ட விவகாரம்

- 

அமெரிக்காவிலிருந்து இந்தியர்கள் நாடு கடத்தப்பட்ட விவகாரத்தை எதிர்க்கட்சிகள் நாடாளுமன்றத்தில் வியாழக்கிழமை எழுப்பி கடும் அமளியில் ஈடுபட்டதால் இரு அவைகளும் ஒத்திவைக்கப்பட்டன.

அமெரிக்காவின் புதிய அதிபர் டிரம்ப் பதவியேற்றதைத் தொடர்ந்து, அங்கு சட்டவிரோதமாக குடியேறியவர்களை சொந்த நாட்டுக்குத் திருப்பியனுப்பும் நடவடிக்கையைத் தீவிரப்படுத்தியுள்ளார். அதுபோல, அமெரிக்காவில் 18,000-க்கும் அதிகமான இந்தியர்கள் சட்டவிரோதமாக குடியேறியதாகக் கண்டறியப்பட்டுள்ளனர். இவர்களில் முதல்கட்டமாக, 104 இந்தியர்கள் அமெரிக்க ராணுவ விமானத்தில் இந்தியாவுக்கு திருப்பியனுப்பப்பட்டனர்.

அவர்கள் பஞ்சாப் மாநிலம் அமிருதசரஸுக்கு புதன்கிழமை வந்திறங்கினர். கை மற்றும் கால்களில் விலங்கிடப்பட்டு விமானத்தில் கொண்டு வரப்பட்டதாக அந்த நபர்கள் புகார் தெரிவித்தனர்.