ఆదమరిస్తే..ఆగమే..

విపత్తుగా మారుతున్న జీవనాధారమైన వర్షం మానవాళికి వర్షం వరమా.. శాపమా...? ప్రకృతిని నాశనం చేస్తూ.. అందలాలు కాంక్రీట్ అరణ్యాలతో పట్టణాల ఏర్పాటు కొత్త కొత్త సవాళ్లు విసురుతున్న ప్రకృతి

- 

ప్రకృతి ఇస్తున్న సంకేతాలను నిర్లక్ష్యం చేస్తే మానవాళి భారీ మూల్యం చెల్లించుకోక తప్పదు. వర్షాన్ని వరముగా నిలబెట్టుకోవాలంటే పర్యావరణాన్ని పరిరక్షించే కర్తవ్యాన్ని ప్రతి వ్యక్తి బాధ్యతగా స్వీకరించాలి. లేకపోతే మన నిర్లక్ష్యం మన భవిష్యత్తును ముంచెత్తే వరదలుగా, విధ్వంసకర తుఫాన్లుగా తిరిగి వస్తుంది. మానవ సమాజం తన ఆలోచనల్ని, అలవాట్లను మార్చుకోకపోతే, వర్షం ఇక వరం కాదు ప్రళయం అవుతుంది..

హైదరాబాద్, ఆగస్టు 31 (ఆదాబ్ హైదరాబాద్ : తొలకరి చినుకులు కురిసినప్పుడల్లా రైతు కళ్లలో ఆనందం మెరిసి పోతుంది. పంటల కోసం ఆకాశాన్ని ఆశగా చూసే క్షణం వర్షం మొదలైన వెంటనే ఆశీర్వాదంలా మారుతుంది. అయితే, అదే వర్షం కాస్త ఎక్కువై జడివానగా, వరదలుగా, తుఫాన్లుగా మారిన ప్పుడు వరమని భావించిన వర్షం విపత్తుగా మారిపోతుంది. ప్రకృతి ప్రసాదం అయిన వర్షం మన జీవనాధారమే అయినప్ప టికీ, వాతావరణ మార్పులు, మేఘ విస్ఫోటనాలు, అకస్మాత్తుగా కురిసే భారీ వానలు ఇప్పుడు కొత్త సవాళ్లు విసురుతున్నాయి.

బెంగళూరు, చెన్నై, ఢిల్లీ, ముంబై, హైదరాబాద్ వంటి భారత దేశపు మహానగరాలు ఈ మధ్య తరచూ విపరీతమైన వర్షాలకు వేదికవుతున్నాయి. కొన్ని గంటల్లోనే భారీ వర్షాలు కురవడం వల్ల నగరాలు నీటమునిగిపోవడం, రవాణా వ్యవస్థ స్థంభించడం, ప్రజల జీవన విధానంపై తీవ్ర ప్రభావం చూపుతోంది. ఈ వాతావరణ అసాధారణతలు యాదృచ్ఛికం కాదు. ఇవి పారిశ్రామికీకరణ, పట్టణాల విస్తీర్ణం పెరుగుదల, ఇండస్ట్రియల్ పొల్యూషన్, వాహనాల నుంచి వెలువడే పొగ, అధిక జనాభా వల్ల కలిగే కాలుష్యం, వాతావరణ ఉష్ణోగ్రత పెరుగుదల వంటి అంశాల కలయిక ఫలితాలు.

మహానగరాల్లో విపరీత వర్షాలకు కారణాలు..