ആരോഗ്യം നൽകും ചെറുധാന്യങ്ങൾ

 പോഷകഘടകങ്ങളുടെ കലവറയാണ് ചെറുധാന്യങ്ങൾ. ആയുർവേദ ചികിത്സാരംഗത്തും ചെറുധാന്യങ്ങൾക്ക് വളരെയധികം പ്രസക്തിയുണ്ട്

- ഡോ.കെ.എസ്.രജിതൻ സീനിയർകൺസൾട്ടന്റ് ഔഷധിപഞ്ചകർമ ആശുപത്രി റിസർച്ച് ഇൻസ്റ്റിറ്റ്യൂട്ട്, തൃശ്ശൂർ [e-mail]

ഭാരത സർക്കാരിന്റെ നിർദേശപ്രകാരം യുണൈറ്റഡ് നേഷൻസ് ജനറൽ അസംബ്ലി, 2023 ഇന്റർനാഷണൽ ഇയർ ഓഫ് മില്ലറ്റ്സ് അതായത് അന്തർദേശീയ ചെറുധാന്യങ്ങളുടെ വർഷമായി ആചരിക്കുകയാണ്. 93-ലധികം രാജ്യങ്ങളിൽ ചെറുധാന്യങ്ങൾ ധാരാളമായി കൃഷിചെയ്തുവരുന്നുണ്ട്. ഏഷ്യയിലേയും ആഫ്രിക്കയിലേയും ഭൂരിഭാഗം ജനങ്ങളുടെയും പരമ്പരാഗത ആഹാരമാണ് ചെറുധാന്യങ്ങൾ അഥവാ മില്ലറ്റ്സ്. ഇന്ത്യയാണ് ലോകത്തിൽ ഏറ്റവും കൂടുതൽ ചെറുധാന്യങ്ങൾ ഉത്പാദിപ്പിക്കുന്നത്. ലോകത്തെ മൊത്തം ഉത്പാദനത്തിന്റെ 41 ശതമാനത്തിലധികവും ഇന്ത്യയിലാണ്. ചെറുധാന്യങ്ങൾ കയറ്റി അയയ്ക്കുന്നതിൽ പ്രധാന സ്ഥാനമാണ് ഇന്ത്യക്കുള്ളത്.

ലിറ്റിൽ മില്ലറ്റ് അഥവാ ചാമ,ബർനിയാഡ് മില്ലറ്റ് അഥവാ കുതിരവാലി, ഫോക്സ്ടെയ്ൽ മില്ലറ്റ് അഥവാ തിന, പ്രോസോ മില്ലറ്റ് അഥവാ പനിവരഗ്,കോഡോ മില്ലറ്റ് അഥവാ വരഗ്, ബ്രൗൺ ടോപ്പ് മില്ലറ്റ്, ജോവർ അഥവാ മണിച്ചോളം, പേൾ മില്ലറ്റ് (ബജ്റ) അഥവാ കമ്പം, ഫിംഗർ മില്ലറ്റ് (റാഗി) അഥവാ പഞ്ഞപ്പുല്ല് (മുത്താറി), എന്നിവയാണ് പ്രധാന ചെറുധാന്യങ്ങൾ.

ചെറുധാന്യങ്ങളെ മൈനർ മില്ലറ്റ് എന്നും മേജർ മില്ലറ്റ് എന്നും തിരിച്ചിട്ടുണ്ട്. ചാമ, തിന, വരഗ്, കുതിരവാലി, പനിവരഗ്, കൊറെലി എന്നിവയാണ് മൈനർ മില്ലറ്റുകൾ. മണിച്ചോളം, കമ്പം, റാഗി എന്നിവയാണ് മേജർ മില്ലറ്റുകൾ. വിളവെടുത്ത് ഉടൻതന്നെ ഉപയോഗിക്കാൻ കഴിയുന്നതാണ് റാഗിയും കമ്പവും ചോളവും. ഇവയെ നേയ്ക്കഡ് മില്ലറ്റ് എന്നും പറയും.

പ്രധാന ഗുണങ്ങൾ