വേനലവധിക്ക് വിട,പഠനത്തിനിടയിലും കളിച്ചുവളരട്ടെ

ഒരാളുടെ കുഞ്ഞുന്നാളിലുള്ള ആദ്യത്തെ കുറച്ചുവർഷങ്ങൾ തന്നെയാണ് അവരുടെ ഭാവിയിലെ ആരോഗ്യത്തേയും മറ്റ് ബുദ്ധിവികാസത്തേയും തൃപ്തിപ്പെടുത്തിയെടുക്കാൻ സഹായിക്കുന്നത്.

- Dr. Roshni Gangan Senior Consultant Pediatrician Aster MIMS, Calicut

വേനലവധിയോട് യാത്രപറഞ്ഞ് അറിവിന്റെ ലോകത്തേയ്ക്ക് പിച്ചവയ്ക്കുന്ന കുരുന്നുകൾക്ക് പഠനം ഒരു ഭാരമാകാതിരിക്കാൻ ഓരോ രക്ഷിതാക്കളും ശ്രദ്ധിക്കേണ്ടതുണ്ട്. പഠനത്തോടൊപ്പം തന്നെ അവർക്കായി കുറച്ചുസമയം മാറ്റിവയ്ക്കണമെന്നും കുട്ടികളുടെ ശാരീരികവും ബുദ്ധിപരവും വൈകാരികവും സാമൂഹികവുമായ വളർച്ചയെ ത്വരിതപ്പെടുത്തുന്ന ഏറ്റവും നല്ല വ്യായാമമായ കളികളിൽ അവരെ ഉൾപ്പെടുത്താൻ ശ്രമിക്കണമെന്നും മഹിളാരത്നത്തിലൂടെ പ്രശസ്ത ശിശുരോഗ വിദഗ്ദ്ധയും കോഴിക്കോട് ആസ്റ്റർ മിംമ്സിലെ സീനിയർ കൺസൾട്ടന്റുമായ ഡോ. റോഷ്നി ഗംഗൻ രക്ഷിതാക്കളോട് നിർദ്ദേശിക്കുകയാണ്.

കുഞ്ഞുന്നാൾ മുതൽ...

ഒരാളുടെ കുഞ്ഞുന്നാളിലുള്ള ആദ്യത്തെ കുറച്ചുവർഷങ്ങൾ തന്നെയാണ് അവരുടെ ഭാവിയിലെ ആരോഗ്യത്തേയും മറ്റ് ബുദ്ധിവികാസത്തേയും തൃപ്തിപ്പെടുത്തിയെടുക്കാൻ സഹായിക്കുന്നത്. ഗർഭാവസ്ഥയിൽ തുടങ്ങി എട്ടുവയസ്സു വരേയ്ക്കും വളരെ വേഗത്തിൽ വളർച്ചയും വികാസവും പ്രാപിക്കുന്ന ഒരു അവയവമാണ് തലച്ചോറ്.

തലച്ചോറിന്റെ വളർച്ചയ്ക്ക് ജനിതകപരമായ ഘടകങ്ങളും പോഷകാഹാരങ്ങളും അത്യാവശ്യമാണെങ്കിലും അതുപോലെ തന്നെ പ്രധാനമാണ് ചുറ്റുപാടുകളിൽ നിന്ന് നേടിയെടുക്കുന്ന പല അറിവുകളും.

നമ്മുടെ ചുറ്റുപാടുകളിൽ നിന്നുള്ള കൃത്യമായ ഉത്തേജനം ലഭിക്കാത്ത ഒരു കുഞ്ഞിന്റെ തലച്ചോറിന്റെ വളർച്ച വളരെ മന്ദഗതിയിലായിരിക്കും നടക്കുക.

ഉത്തേജനം പല രീതിയിലും ഒരു കുഞ്ഞിന് ലഭിക്കുന്നുണ്ട്. രക്ഷിതാക്കളുടെ വികാരപ്രകട നങ്ങൾ മുതൽ അവർ കേൾക്കുന്ന ശബ്ദങ്ങൾ, കാണുന്ന നിറങ്ങൾ, അവർ ഇന്ദ്രിയങ്ങളിലൂടെ തൊട്ടനുഭവിക്കുന്ന ഓരോ കാര്യങ്ങളും. ഇളം കുഞ്ഞിന്റെ തലച്ചോറുകളിലേക്ക് നൽകുന്ന സിഗ്നൽസിന് അടിസ്ഥാനമാക്കി വളരെ വേഗ ത്തിൽ വളരുന്ന ഒരു തലച്ചോറാണാണ് കുട്ടികൾക്കുള്ളത്.