ఎదిగే కూతురికి అమ్మ నేర్పాల్సిన పాఠాలు

పిల్లల బంగారు భవిష్యత్తు కోసం ఈ విషయాలు తప్పక తెలుసుకోవాలి...

- - ఇంజి.ఆశాశర్మ •

పిల్లల బంగారు భవిష్యత్తు కోసం ఈ విషయాలు తప్పక తెలుసుకోవాలి...

 పై చదువుల కోసం ఇక హాస్టల్కి  వెళ్లి పోతానని శృతి పట్టుబట్టింది. కానీ ఆమె తల్లి ఏమాత్రం ఒప్పుకోవట్లేదు. శృతి ఆలస్యంగా నిద్ర లేవటం, విడిచిన బట్టలు బాత్రూమ్లో వదిలేయటం, తిండి దగ్గర వంద రకాల నాటకాలాడటం వంటివి తల్లి మనసులో ఉండిపోయాయి.అందుకే ఆమె అనుమతివ్వ ట్లేదు. కానీ శృతి మాత్రం అవసరం ఏర్పడితే తప్పక నేర్చుకోవాల్సి ఉంటుందని చెబుతోంది. అయినా తల్లి మాత్రం నమ్మటం లేదు.

ఒక రోజు శృతి స్నేహితురాలు మిథాళీ వచ్చింది. తల్లి టీ తాగుతావా అనగానే మిథాలీ “ఆంటీ, మీరు కూర్చోండి. టీ నేను పెట్టుకొని తెస్తాను” అంది.

తల్లి ఆశ్చర్యంగా చూస్తుండిపోయింది.మిథాళీ వెంటనే కిచెన్లోకి వెళ్లి 3 కప్పుల పెట్టి తెచ్చింది. దాంతోనే బిస్కెట్స్, స్నాక్స్ పట్టుకొచ్చింది. తల్లి ఏమి మాట్లాడలేదు, కానీ గుచ్చే చూపుల్ని శృతి మీదకి విసిరి టీ తాగుతోంది.

“నువ్వు ఇవన్నీ ఎప్పుడు నేర్చుకున్నావు?” శృతి ఆశ్చర్యంగా అడిగింది.

“అరే ఏం చెప్పమంటావోయ్, ఇంజనీరింగ్ కోసం బయటికి వెళ్లాల్సి వచ్చింది. 2 నెలల తర్వాత చేరాలి. ఇప్పుడే ముందస్తు ట్రైనింగ్ తీసుకుంటే అక్కడ ఇబ్బందులు రావు కదా.అందుకే మొదలుపెట్టాను” అని చెప్పి “నీకు తెలుసా గత ఏడాది నేహాకి ఏమైందో. ఆమె ఎమ్బీఏ కోసం వేరే నగరానికి వెళ్లింది కదా?” అంటుండగా “ఏమైంది?” తల్లి మధ్యలోనే అందుకుంది.