അകത്തളം തിളങ്ങട്ടെ

കാലത്തിനനുസരിച്ച്  ചെറിയ ബജറ്റിൽ അകത്തളം മോടിപിടിപ്പിക്കാൻ ചില കുറുക്കുവഴികളിതാ...

ഓരോ പുതിയ വീടും കണ്ട് സ്വന്തം വീട്ടിലെത്തുമ്പോൾ പലപ്പോഴും  നമുക്ക് തോന്നാറുണ്ട് നമ്മുടെ വീട് പഴഞ്ചനായെന്ന്. വീടിന്റെ അകത്തളം എത്ര മനോഹരമാണോ ആ സന്തോഷം നമ്മുടെ ജീവിതത്തെയും ബാധിക്കും. എളുപ്പവഴികളിലൂടെ വീടിന്റെ അകത്തളങ്ങളിൽ നമുക്ക് കാലാനുസൃതമായ മാറ്റങ്ങൾ വരുത്താൻ പറ്റും. ചുരുങ്ങിയ ചെലവിൽ വീടിന്റെ അകത്തളം ഭംഗിയാക്കാൻ ചില എളുപ്പവഴികളിതാ..

പച്ചപ്പ് പടർത്താം...

ഇൻഡോർ പ്ലാന്റുകളാണ് വീടിന്റെ അകത്തളങ്ങളിലെ പുതിയ ട്രെൻഡ്. വീടിന്റെ ആകർഷണീയത കൂട്ടാനും പോസിറ്റീവ് അന്തരീക്ഷം സൃഷ്ടിക്കാനും മണിപ്ലാന്റുകൾ പോലുള്ള ഇൻഡോർ സസ്യങ്ങൾ സഹായിക്കും. കുറഞ്ഞ സൂര്യപ്രകാശത്തിൽ എളുപ്പത്തിൽ വളരുന്ന സസ്യങ്ങൾ വിപണിയിൽ ലഭ്യമാണ്. അതല്ലെങ്കിൽ കൃത്രിമ സസ്യങ്ങളും തെരഞ്ഞെടുക്കാം.