പ്രതിസന്ധികളിൽ നിന്നും അമരത്വത്തിലേക്ക്

ഭക്തിയുടെ പരമോന്നത ലക്ഷ്യം തന്നെ മനസ്സാ ആഗ്രഹിക്കുന്നത് ഈശ്വരനിൽ നിന്നും നേടിയെടുക്കുക എന്നതു തന്നെയാണ്

-  സംഗീത മധു

കൃഷ്ണകൃപ ആവോളം ലഭിക്കുകയും അതിൽ പൂർണ്ണതൃപ്തിയടയുകയും ചെയ്ത ഒരു ഭക്തൻ ജീവിച്ചിരുന്നു. തീർത്ഥയാത്രകളും ക്ഷേത്രദർശനങ്ങളും ജീവിതവ്രതമായി കരുതിയ അദ്ദേഹം കുറെക്കാലം തിരുപ്പതിയിൽ താമസിച്ച് പ്രാർത്ഥിച്ചിരുന്നു.

എന്നും അതിരാവിലെ ഉറക്കമുണർന്ന്, കുളിയും മറ്റനുഷ്ഠാനങ്ങൾക്കും ശേഷം ക്ഷേത്ര പ്രദക്ഷിണം നടത്തി അൽപ്പം ദൂരെ മാറിനിന്ന് ഭഗവാനെ ദർശിച്ചശേഷം മടങ്ങുകയായിരുന്നു ആ ഭക്തന്റെ പതിവ്.

ഒരു ദിവസം അങ്ങനെ ഈശ്വരദർശനത്തിന് ശേഷം പ്രാർത്ഥനാ മനസ്സോടെ വീട്ടിലേക്ക് മടങ്ങവേ മധുരപലഹാരങ്ങൾ കഴിക്കുന്ന പത്തുവയസ്സുള്ള ഒരു ചെറിയ കുട്ടി അദ്ദേഹത്തിന്റെ ദൃഷ്ടിയിൽപ്പെട്ടു. അതുകണ്ട ഭക്തന്റെ മനസ്സിൽ അറിയാതെ ഒരാനന്ദം നിറഞ്ഞു. എത്ര സന്തോഷത്തോടെയാണ് ആ കുട്ടി ഭക്ഷണം കഴിക്കുന്നത് എന്ന് ചിന്തിക്കുകയും ചെയ്തു. ഭക്തനെ കണ്ട ഉടനെ കുട്ടി പറഞ്ഞുതുടങ്ങി.