പ്രസാദവും ഫലങ്ങളും

ക്ഷേത്രങ്ങളിലെ പ്രസാദങ്ങൾക്ക് മഹാ രോഗങ്ങളെപ്പോലും ശമിപ്പിക്കാനുള്ള ദിവ്യ സിദ്ധിയുണ്ടെന്നാണ് വിശ്വാസവും അനുഭവും. നമുക്ക് പരിചിതമായ ചില ക്ഷേത്രങ്ങളിലെ വിശേഷാൽ പ്രസാദങ്ങളും അവയുടെ ഫലവും.

- അദ്വൈത്

1. മുക്കുടി

പാലക്കാട് നഗരത്തിൽ കുന്നത്തൂർ മേട് ശ്രീകൃഷ്ണക്ഷേത്രത്തിൽ കൃഷ്ണജയന്തി ദിവസം രാത്രി 11 നും 12 നും മദ്ധ്യേ നടത്തപ്പെടുന്ന ജന്മ പൂജ ഏറെ പ്രസിദ്ധമാണ്. ഈ പൂജയിലെ നിവേദ്യത്തെ മുക്കുടി എന്നാണ് അറിയപ്പെടുന്നത്. ചുക്ക്, തിപ്പലി, ഏലക്കായ്, പെരുങ്കായം, അയമോദകം, ശർക്കര എന്നിവ ഉൾപ്പെടുന്നതാണ് മുക്കുടി. ഭഗവാന് നേദിച്ച ശേഷം ഇത് പ്രസാദമായി ഭക്തർക്ക് നൽകുന്നു. ഈ പ്രസാദം സേവിച്ചാൽ പല രോഗങ്ങളും പ്രത്യേകിച്ച് ഉദരരോഗങ്ങൾക്കും ശമനം ഉണ്ടാകുമത്രേ.

ശ്രീകൂടൽമാണിക്യക്ഷേത്രത്തിലെ തൃപ്പുത്തരിയും മുക്കുടിയും ഏറെ പ്രശസ്തം. തുലാം മാസത്തിലെ തിരുവോണനാളിൽ പുത്തരിയും പിറ്റേന്ന് മുക്കുടിയും ആചരിക്കുന്നു. പ്രസിദ്ധ ഭിഷഗ്വരനായ കുട്ടഞ്ചേരി മൂസത് പ്രത്യേക പച്ചമരുന്നുകൾ ചേർത്തുണ്ടാക്കിയ ദിവ്യ ഔഷധം തൈരിൽ കലർത്തി ദേവന് നിവേദിച്ചശേഷം ഭക്തർക്കു നൽകുന്നു. ഇത് സേവിക്കുന്നവർക്ക് ഒരു വർഷക്കാലം ഉദരസംബന്ധമായ രോഗങ്ങൾ ഉണ്ടാവുകയില്ല എന്നതാണ് വിശ്വാസം.

2. തേൻ പ്രസാദം

തിരുച്ചിറപ്പള്ളിയിലെ വെക്കാളിയമ്മൻ ക്ഷേത്രത്തിനടുത്തുള്ള കാളികാമ്പാൾ ക്ഷേത്രത്തിൽ വെള്ളിയാഴ്ച തോറും രാഹുകാലവേളയിൽ ദുർഗ്ഗയ്ക്ക് ഇഞ്ചിനീരും തേനും ചേർത്ത് അഭിഷേകം ചെയ്യുന്നുണ്ട്. ഈ അഭിഷേകദ്രവ്യം കുട്ടികളുടെ നാവിൽ തടവുന്നു. തുടർച്ചയായി ഇപ്രകാരം ചെയ്താൽ സംസാരശേഷി ഇല്ലാത്ത കുട്ടികൾ സംസാരിച്ചുതുടങ്ങുന്നു.

3. പാവയ്ക്ക പ്രസാദം