ફાર્મા કંપનીમાં રોકાણ કરાવી મોટા વળતરની લાલચ આપી 4 ઠગે લાખોનો ચૂનો લગાડ્યો

નિકોલમાં પાનના ગલ્લે ભાઈબંધી કરવી ભારે પડીઃ ક્રાઈમ બ્રાન્ચે બે ઠગને પકડ્યા

ફાર્મા કંપનીમાં રોકાણ કરવાથી મોટું વળતર મળશે તેવી લાલચ આપીને ઠગ ટોળકીએ ત્રણ રોકાણકારને 77.92 લાખનો ચૂનો લગાવ્યો હતો. પાનના ગલ્લા પર થયેલી મિત્રતાને આધારે બેંકના મેનેજર ઠગ ટુકડીની વાતોમાં આવી ગયા હતા. તેમણે 56 લાખનું રોકાણ કર્યું હતું. સાથે અન્ય બે રોકાણકાર સાથે પણ ઠગાઇ થઇ હતી. આ બનાવ સંદર્ભે ચારેય ઠગ સામે આર્થિક ગુના નિવારણ શાખાએ ફરિયાદ નોંધી બે આરોપીઓની ધરપકડ કરી હતી. ઉલ્લેખનીય છે કે, મુખ્ય સૂત્રધાર દિપક શાહ અને તેના મળતિયા જીગર નિમાવત ફરી એક વખત પોલીસના મહેમાન બન્યા છે.