மக்களைத் தேடி மருத்துவம் திட்டத்தின் மூலம் மருத்துவ உதவிகள் சட்டமன்ற உறுப்பினர் வழங்கினார்

பெரம்பலூர் மாவட்டம், வேப்பந்தட்டை வட்டத்திற்குட்பட்ட பூலாம்பாடியில் வசித்து வரும் பானுமதி என்பவரின் இரண்டு பெண் குழந்தைகளும் கல்லீரல் வீக்கத்தால் பாதிக்கப்பட்டுள்ள நிலையில், தொடர்ந்து சிகிச்சை பெறவும் மருந்து மாத்திரைகள் வாங்கவும் இயலாமல் இருந்து வந்த நிலையினை தெரிவித்து தனக்கு உதவ வேண்டும் என்று அரசிற்கு கோரிக்கை வைத்ததன் அடிப்படையில், பெரம்பலூர் சட்டமன்ற உறுப்பினர் பிரபாகரன் மற்றும் சுகாதாரத்துறை துணை இயக்குநர் செந்தில்குமார் ஆகியோர் பானுமதி அவர்களின் வீட்டிற்கு நேரில் சென்று குழந்தைகளை சந்தித்து ஆறுதல் கூறி மக்களைத் தேடி மருத்துவம் திட்டத்தின் மூலம் முதற்கட்டமாக இரண்டு மாதங்களுக்கு தேவையான மருந்துகளை வழங்கினர்.

பின்னர் பெரம்பலூர் சட்டமன்ற உறுப்பினர் தெரிவித்ததாவது: பெரம்பலூர் மாவட்டம், வேப்பந்தட்டை வட்டத்திற்குட்பட்ட பூலாம்பாடியில் கூலி வேலை செய்து தனது குடும்பத்தை நடத்தி வரும் பானுமதி என்பவரின் இரண்டு மகள்கள் பிறந்த 10 மாதங்கள் முதல் கல்லீரல் வீக்க நோயால் பாதிக்கப்பட்டுள்ளனர். இந்த நோயால் பாதிக்கப்பட்ட தனது இரண்டு மகள்களையும் பல்வேறு தனியார் மருத்துவமனைகளுக்கு அழைத்துச் சென்று பரிசோதனை மேற்கொண்டதில் கல்லீரல் வீக்கத்திற்கான மருந்துக்களை தொடர்ந்து எடுத்துக் கொள்ள வேண்டும் என அறிவுறுத்தி உள்ளார்கள்.