தவறான வாக்காளர் தரவு குற்றச்சாட்டு: சஞ்சய் குமாருக்கு எதிராக நடவடிக்கை கூடாது

தவறான வாக்காளர் எண்ணிக்கை தரவுகளை வெளியிட்ட குற்றச்சாட்டில், தேர்தல் தரவு ஆய்வாளர் சஞ்சய் குமாருக்கு எதிராக வலுக்கட்டாயமாக எந்த நடவடிக்கையும் மேற்கொள்ளப்படக் கூடாது என்று உச்சநீதிமன்றம் திங்கள்கிழமை உத்தரவிட்டது.

- 

புது தில்லி, ஆக.25:

கடந்த ஆண்டு மகாராஷ்டிர பேரவைத் தேர்தலின்போது அங்குள்ள 2 தொகுதிகளில் வாக்காளர்களின் எண்ணிக்கை குறிப்பிடத்தக்க அளவு குறைந்ததாக தேர்தல் தரவு ஆய்வாளரும், வளர்ந்து வரும் சமுதாயங்களின் ஆய்வு மையத்தை (சிஎஸ்டிஎஸ்) சேர்ந்தவருமான சஞ்சய் குமார் 'எக்ஸ்' தளத்தில் பதிவிட்டார்.

அதன் பின்னர் மக்களவை, மகாராஷ்டிர பேரவைத் தேர்தல் தரவுகளை ஒப்பிட்டதில் தவறு நேர்ந்துவிட்டதாகவும், தவறான புரிதலின் அடிப்படையில் அந்தத் தரவுகள் வெளியிடப்பட்டதாகவும் மன்னிப்பு கோரி, அந்தப் பதிவை அவர் 'எக்ஸ்' தளத்தில் இருந்து நீக்கினார்.