எஃப்ஐஎச் ஜூனியர் ஆடவர் ஹாக்கி உலகக் கோப்பை சிலியுடன் இன்று மோதுகிறது இந்தியா

எஃப்ஐஎச் ஜூனியர் ஆடவர் ஹாக்கி உலகக் கோப்பை போட்டி முதல் ஆட்டத்தில் வெள்ளிக்கிழமை சிலியுடன் மோதுகிறது இந்தியா.

- 

சர்வதேச ஹாக்கி சம்மேளனம், ஹாக்கி இந்தியா, தமிழ்நாடு விளையாட்டு மேம்பாட்டு ஆணையம் சார்பில் ஜூனியர் ஆடவர் உலகக் கோப்பைபோட்டி வெள்ளிக்கிழமை (நவ. 28) தொடங்கி டிச. 10 வரை சென்னை, மதுரையில் நடைபெறுகிறது. போட்டிக்காக மதுரை எம்ஜிஆர் விளையாட்டரங்கில் நவீன வசதிகளுடன் கூடிய புதிய ஹாக்கி மைதானம் அமைக்கப்பட்டது.

மொத்தம் 2,000 பார்வையாளர்கள் அமரும் வகையில் உள்ளது. மதுரையில் 12 அணிகளின் ஆட்டங்கள் நடக்கின்றன. இந்திய அணியின் ஒரு ஆட்டமும் இதில் அடங்கும்.

சென்னையில் பாரம்பரியமான எழும்பூர் மேயர் ராதாகிருஷ்ணன் மைதானத்தில் 12 அணிகளின் ஆட்டங்கள் நடைபெறுகின்றன.