மகாராஷ்டிர பேரவைத் தேர்தலில் வெற்றிக்கு உதவுவதாக அணுகிய இருவர்

மகாராஷ்டிர மாநிலத்தில் கடந்த 2024-ஆம் ஆண்டு சட்டப்பேரவைத் தேர்தலின் போது எதிர்க்கட்சிகளின் 'மகா விகாஸ் அகாடி' கூட்டணி 160 இடங்களில் வெற்றி பெற உதவ முடியும் என இருவர் தன்னை அணுகி உத்தரவாதம் அளித்தனர் என்று தேசியவாத காங்கிரஸ் (பவார்) கட்சித் தலைவர் சரத் பவார் சனிக்கிழமை கூறியது பரபரப்பை ஏற்படுத்தியுள்ளது.

- 

நாகபுரி, ஆக. 9: 'மகாராஷ்டிர மாநிலத்தில் கடந்த 2024-ஆம் ஆண்டு சட்டப்பேரவைத் தேர்தலின் போது எதிர்க்கட்சிகளின் 'மகா விகாஸ் அகாடி' கூட்டணி 160 இடங்களில் வெற்றி பெற உதவ முடியும் என இருவர் தன்னை அணுகி உத்தரவாதம் அளித்தனர்' என்று தேசியவாத காங்கிரஸ் (பவார்) கட்சித் தலைவர் சரத் பவார் சனிக்கிழமை கூறியது பரபரப்பை ஏற்படுத்தியுள்ளது.

'அப்போது அவர்களை கூட்டணியில் அங்கம் வகித்த காங்கிரஸ் மூத்த தலைவர் ராகுல் காந்தியிடம் அறிமுகப்படுத்தியபோது, அதை அவர் பொருட்படுத்தாமல் புறக்கணித்துவிட்டார்' என்றும் சரத் பவார் குறிப்பிட்டார்.