கடை-நிறுவனங்கள் மீதான தண்டனை தளர்வு உள்பட 8 மசோதாக்கள் தாக்கல்

கடைகள், தொழில் நிறுவனங்கள் மீது தொழிலாளர் நலச் சட்டத்தின் கீழ் விதிக்கப்படும் கடுமையான தண்டனைகளைத் தளர்த்தும் வகையிலான மசோதா சட்டப் பேரவையில் திங்கள்கிழமை தாக்கல் செய்யப்பட்டது.

- 

சென்னை, ஏப். 28:

அதனுடன் கும்பகோணத்தில் கலைஞர் பல்கலைக்கழகம் அமைப்பதற்கான மசோதா உள்பட 8 முக்கிய மசோதாக்கள் அறிமுகம் செய்யப்பட்டன.

அதன்படி, தீ விபத்து பாதுகாப்பு மற்றும் தீ தடுப்பு பணிகளில் ஏற்படும் தாமதத்தை குறைக்கும் வகையில் தீயணைப்பு நிலையங்களை உரிய இடத்தில் அறிவியல் சார் நில வரைபடங்களின் அடிப்படையில் அமைப்பது தொடர்பான சட்ட மசோதாவை முதல்வர் மு.க.ஸ்டாலின் சார்பாக சட்ட அமைச்சர் எஸ்.ரகுபதி தாக்கல் செய்தார்.

அதேபோன்று, தொழில் தொடங்குவதை எளிதாக்கும் நோக்கில் நகர்ப்புற உள்ளாட்சி அமைப்புகளில் வணிகம் மற்றும் தொழில் உரிமங்கள் வழங்குவதற்கான நடைமுறைகளை சுலபமாக்க முடிவு செய்யப்பட்டுள்ளது.