ராகுல் வரலாறு அறியாதவர்: ஜெ.பி.நட்டா விமர்சனம்

'நாட்டின் அரசியல் சட்டத்துக்கு குந்தக சமைப்புச் சட்டத்தை சிதைக்க தனது தந்தை, பாட்டி, கொள்ளுத் தாத்தா ஆகியோர் மேற்கொண்ட முயற்சிகள் குறித்து ராகுல் காந்திக்கு எதுவும் தெரியவில்லை; அவர் வரலாறு அறியாதவர்' என்று மத்திய அமைச்சரும் பாஜக தேசியத் தலைவருமான ஜெ.பி. நட்டா விமர்சித்தார்.

- 

அகமதாபாத்,ஜன. 19:

'பிரதமர் மோடி அரசமைப்புச் சட்டத்தை தூக்கி எறிய முயன்று, அதில் தோல்வியடைந்தார்' என்ற ராகுல் காந்தியின் விமர்சனத்துக்கு பதிலடியாக நட்டா இவ்வாறு தெரிவித்தார்.

குஜராத் மாநிலம், அகமதாபாத்தில் பாஜக சார்பில் அரசமைப்புச் சட்ட விழிப்புணர்வு நிகழ்ச்சி ஞாயிற்றுக்கிழமை நடைபெற்றது. இதில் ஜெ.பி.நட்டா பங்கேற்றுப் பேசியதாவது:

நாட்டை 65 ஆண்டுகளாக ஆட்சிசெய்த காங்கிரஸும் அதன் தலைவர்களும் அரசமைப்புச் சட்டத்துக்கு குந்தகம் விளைவித்து, அதன் அடிப்படை கோட்பாடுகளை அழிக்க முயன்றனர். இன்று அக்கட்சியைச் சேர்ந்த ஒரு தலைவர் (ராகுல் காந்தி), இந்தியாவுக்கு எதிராக போராடுவது குறித்து பேசுகிறார். அவர் வரலாறு அறியாதவர்.