வக்ஃப் மசோதா கூட்டுக் குழுத் தலைவருக்கு எதிராக மக்களவைத் தலைவரிடம் எதிர்க்கட்சி எம்.பி.க்கள் புகார்

வக்ஃப் சட்டத்திருத்த மசோதா தொடர்பான நாடாளுமன்ற கூட்டுக் குழுவின் (ஜேபிசி) முடிவுகளை அதன் தலைவரான பாஜக எம்.பி. ஜெகதாம்பிகா பால் தன்னிச்சையான முறையில் எடுத்ததாக குற்றம்சாட்டி குழுவில் இடம் பெற்றுள்ள எதிர்க்கட்சி எம்.பி.க்கள் மக்களவைத் தலைவர் ஓம் பிர்லாவிடம் புகார் அளித்தனர்.

- 

காங்கிரஸ் எம்.பி.க்கள் முகமது ஜாவேத், இம்ரான் மசூத், திமுக எம்.பி. ஆ.ராசா, திரிணமூல் காங்கிரஸ் எம்.பி. கல்யாண் பானர்ஜி, ஆம் ஆத்மி எம்.பி. சஞ்சய் சிங், அகில இந்திய மஜ்லீஸ் எம்.பி. அசாதுதீன் ஒவைசி ஆகிய எதிர்க்கட்சி எம்.பி.க்கள் கையொப்பமிட்ட புகார் மனு மக்களவைத் தலைவர் ஓம் பிர்லாவிடம் அளிக்கப்பட்டது.

அந்த மனுவில், குழு அமர்வுகளை தொடர்ந்து மூன்று நாட்களுக்கு நடத்துவது உள்பட குழு நடவடிக்கைகளில் எடுக்கப்படும் தன்னிச்சை முடிவுகளால் தாங்கள் புறக்கணிக்கப்படுவதாக எதிர்க்கட்சி எம்.பி.க்கள் குற்றஞ்சாட்டினர்.