நெல்லை ரயிலில் ரூ.4 கோடி பறிமுதல்

நெல்லை விரைவு ரயிலில் கொண்டுசெல்லப்பட்ட ரூ.3.98 கோடி ரொக்கப் பணம் சென்னை தாம்பரத்தில் பறிமுதல் செய்யப்பட்டது.

 

இது தொடா்பாக நெல்லை தொகுதி பாஜக வேட்பாளா் நயினாா் நாகேந்திரனின் ஆதரவாளா்கள் மூவா் கைது செய்யப்பட்டனா்.

சென்னை எழும்பூரிலிருந்து சனிக்கிழமை இரவு திருநெல்வேலிக்கு புறப்பட்ட நெல்லை விரைவு ரயிலில் ‘எஸ் 7’ பெட்டியில் மூவா் கோடிக்கணக்கில் பணம் கொண்டு செல்வதாக தாம்பரம் போலீஸாா், பறக்கும் படையினருக்கு ரகசிய தகவல் கிடைத்தது.

இதைத் தொடா்ந்து, பறக்கும் படை அதிகாரி செந்தில் பாலாமணி, துணை ஆணையா் பவன்குமாா், உதவி ஆணையா் நெல்சன் உள்ளிட்ட காவல் துறையினா் தாம்பரம் ரயில் நிலையத்தில் ரயிலை நிறுத்தி ‘எஸ் 7’ பெட்டியில் இருந்தவா்களின் உடைமைகளை சோதனையிட்டனா். இதில் அந்தப் பெட்டியில் இருந்த சென்னை கொளத்தூா் திரு. வி.க. நகரைச் சோ்ந்த சதீஷ் (33), அவரின் தம்பி நவீன் (31), தூத்துக்குடி மாவட்டம் ஸ்ரீவைகுண்டத்தைச் சோ்ந்த பெருமாள்(25) ஆகிய 3 பேரும் வைத்திருந்த 6 பைகளை சோதனையிட்டனா்.