இஸ்ரேல்-ஹமாஸ் போர்: மாறுமா அமெரிக்க நிலைப்பாடு?

‘போர்க் காலத்தில் பட்டினியால் வாடும் அப்பாவி பொதுமக்களுக்கு உணவு அளிக்கும் பணியில் ஈடுபட்டிருந் தபோது 7 மனிதாபிமான பணியாளர்கள் இஸ்ரேலால் கொல்லப்பட்டது மிகவும் கொடுமை. நாங்கள் எவ்வளவு சொல்லியும், போரில் பொதுமக்கள் உயிரிழப்பைத் தவிர்க்க இஸ்ரேல் போதிய நடவடிக்கை எடுக்கவில்லை.'

பிரபல அமெரிக்க சமையல்கலை வல்லுநர் ஜோஸ் ஆண்டர்ஸின் 'வேர்ல்டு சென்ட்ரல் கிச்சன்' (டபிள்யுசிகே) அறக்கட்டளையைச் சேர்ந்த 7 ஊழியர் கள் காஸாவில் இஸ்ரேல் ராணுவத்தால் கொல்லப்பட்டதைத் தொடர்ந்து அதிபர் ஜோ பைடன் காட்டமாக வெளியிட்ட கண்டன அறிக்கை இது.

இதுபோன்ற இதற்கு முன்னரும் நடந்துள்ளதாகக் கூறிய அவர், தொண்டு நிறுவன ஊழியர்கள் இந்தப்போரில் தான் அதிகம் கொல்லப்படுவதாகக் குற்றஞ்சாட்டினார்.

ஏற்கெனவே, காஸா பகுதியில் இஸ்ரேல் நடத்திவரும் கடுமையான தா

க்குதலால் அதிகரித்து வரும் பொதுமக்கள் உயிரிழப்பு அமெரிக்காவில் அதிர்ச்சி சம்பவங்கள் அலையை ஏற்படுத்திவருகிறது.

இதனால், இஸ்ரேலைக் கட்டுப் படுத்தவேண்டும் என்று ஜோபைடனை பலர் வலியுறுத்தி வரும் நிலையில், இஸ்ரேல் தாக்குதலில் சர்வதேச தொண்டு நிறுவன ஊழியர்கள் கொல்லப்பட்டது அந்த நெருக்கடியை மேலும் அதிகரித்துள்ளதாகக் கூறப்படுகிறது.

பலரது எதிர்ப்பையும் மீறி இஸ்ரேலுக்கு கூடுதல் ஆயுதங்களை அளிப்பதற்குபைடன் அரசு அனுமதி அளித்த அதேநாளில் தான், காஸாவில் டபிள்யுசிகே அறக்கட்டளை ஊழியர்களைக் குறிவைத்து இஸ்ரேல் ராணுவம் தாக்குதல் நடத்தியது குறிப்பிடத்தக்கது.

இந்தத் தாக்குதலை வேண்டுமென்றே நடத்தவில்லை எனவும் 'தவறாக அடையாளம் கண்டுகொண்டதால்' ஏற்பட்ட விளைவு என்றும் இஸ்ரேல் ராணுவம் கூறினாலும், அது தொடர்பாக ஏற்றுக் கொள்ளக்கூடிய விளக்கத்தை இதுவரை அளிக்கவில்லை.