அதிமுக பொதுக் குழு கூட்டம் செல்லாது

உயர்நீதிமன்றம் தீர்ப்பு

சென்னை, ஆக. 17: சென்னையில் கடந்த ஜூலை 11-ஆம் தேதி நடைபெற்ற அதிமுக பொதுக் குழு கூட்டம் செல்லாது என்றும், கடந்த ஜூன் 23-ஆம் தேதிக்கு முன்பு இருந்த நிலையே நீடிக்க வேண்டும் என்றும் சென்னை உயர்நீதிமன்றம் புதன்கிழமை தீர்ப்பளித்தது.

இதன்மூலம் அக்கட்சியின் இடைக்கால பொதுச் செயலராக எடப்பாடி கே.பழனிசாமி தேர்வு செய்யப்பட்டதும், ஓ.பன்னீர்செல்வத்தை கட்சியில் இருந்து நீக்கியதும் செல்லாததாகியுள்ளது.

சென்னை வானகரத்தில் கடந்த ஜூன் 23, ஜூலை 11-ஆம் தேதிக ளில் அதிமுக பொதுக்குழு கூட்டம் நடைபெற்றது. ஜூலை 11-ஆம் தேதி நடைபெற்ற கூட்டத்தில் எடப்பாடி பழனிசாமியை இடைக்கால பொதுச் செயலராகவும், ஓ.பன்னீர் செல்வத்தை கட்சியில் இருந்து நீக்கியும் தீர்மானங்கள் நிறைவேற்றப்பட்டன.

இந்தப் பொதுக் குழு கூட்டத்தை எதிர்த்து ஓ.பன்னீர்செல்வம், கட்சியின் பொதுக்குழு உறுப்பினர் வைரமுத்து ஆகியோர் தரப்பில் உச்சநீதிமன்றத்தில் மேல்முறையீடு செய்யப் பட்டது. இதை விசாரித்த உச்சநீதி மன்றம், இந்த வழக்கை சென்னை உயர்நீதிமன்றமே விசாரித்து தீர்ப்பு வழங்க உத்தரவிட்டது.

அதன்படி நடைபெற்ற வழக்கில் அனைத்துத் தரப்பு வாதங்களையும் கேட்டறிந்த நீதிபதி ஜி.ஜெயச்சந்திரன் புதன்கிழமை தீர்ப்பளித்தார்.

தீர்ப்பில் நீதிபதி கூறியிருப்பதாவது:

ஒற்றைத் தலைமைதான் வேண்டும் என்று அதிமுக தொண்டர்கள் கோரிக்கை விடுத்ததாக எடப்பாடி கே.பழனிசாமி தரப்பில் வாதிட்டுள்ளனர். ஆனால், அவ்வாறு தொண்டர்கள் விரும்புகிறார்கள் என்பதற்கு எந்த ஒரு புள்ளிவிவரமும் தாக்கல் செய்யப்படவில்லை. குறிப்பாக, இதே இரட்டைத் தலைமை முதல்வராகவும், துணை முதல்வராகவும் பதவி வகித்து சுமார் நான்கு ஆண் டுகள் வெற்றிகரமாக அரசை நடத்தியுள்ளனர்.

கடந்த 5 ஆண்டுகளுக்கு மேலாக ஒருங்கிணைப்பாளர், இணை ஒருங்கிணைப்பாளராக இருந்து கட்சியின் பல முடிவுகளை எடுத்துள்ளனர். தேர்தல் கூட்டணி, வேட்பாளர்கள் தேர்வு உள்ளிட்ட முடிவுகளையும் எடுத்துள்ளனர். அப்படிஇருக்கும்போது, திடீ ரென கடந்த ஜூன் 20-ஆம் தேதி முதல் ஜூலை 11-ஆம் தேதிக்குள் கட்சியின் தலைமையில் மாற்றம் வேண்டும் என்று ஒன்றரை கோடி தொண்டர்கள் எவ்வாறு முடிவு செய்தனர்?