అంధ విద్యార్థుల కోసం వినూత్న పాఠశాల

మానవ శరీర నిర్మాణం ఒక అద్భుత సృష్టి కాగా శరీరంలోని ప్రతి అవయవానికి దేని ప్రత్యేకత దానికున్నప్పటికీ సర్వేంద్రియానాం నయనం ప్రధానం” అని కళ్ళకు మరింత ప్రత్యేక స్థానముంది. ఈ సృష్టి లోని అందాలను, అద్భుతాలను చూసి తాదాత్యం పొందడంలో కళ్ళు కీలక భూమిక పోషిస్తాయన్నది జగమెరిగిన సత్యం

- యేచన్‌ చంద్ర శేఖర్‌ 8885050822

మానవ శరీర నిర్మాణం ఒక అద్భుత సృష్టి కాగా శరీరంలోని ప్రతి అవయవానికి దేని ప్రత్యేకత దానికున్నప్పటికీ సర్వేంద్రియానాం నయనం ప్రధానం” అని కళ్ళకు మరింత ప్రత్యేక స్థానముంది. ఈ సృష్టి లోని అందాలను, అద్భుతాలను చూసి తాదాత్యం పొందడంలో కళ్ళు కీలక భూమిక పోషిస్తాయన్నది జగమెరిగిన సత్యం.“భగవంతుడు ఒక తలుపు మూసివేస్తే, మరొక కిటికీ తెరుస్తాడు” అన్న సామెత లాగా దృష్టి లోపం ఉన్న వారిలో పంచేంద్రియాలలో దృష్టి తప్ప మిగతా నాలుగు ఇంద్రియాలైన ధ్వని, వాసన, రుచి,స్పర్శతో పాటు జ్ఞాపక శక్తి మరియు భాష పైన పట్టు సాధారణ వ్యక్తుల కంటే అధికంగా ఉంటుంది. అంతేకాదు సాధారణ వ్యక్తులతో పోలిస్తే వారిలో ఆశావహ దృక్పథం, వినూత్నమైన ఆలోచనా విధానం మరియు సృజనాత్మకత మెండుగా ఉంటాయి. ఈ సానుకూల అంశాల ఆధారంగానే గుజరాత్‌ లోని గాంధీనగర్‌లో ప్రత్యేకించి మారుమూల గ్రామాలు, పట్టణాలకు చెందిన అంధ మరియు దృష్టి లోపం గల విద్యార్థులకు మెరుగైన విద్యావకాశాలను అందించడం కోసం ఆనంద్‌ సోనేచా నేతృత్వంలో సీల్యాబ్స్‌ సంస్థ ఒక ప్రత్యేక పాఠశాలను రూపొందించింది. ప్రత్యేకంగా వినూత్న ఆలోచనలతో రూపొందించబడిన ఈ పాఠశాలలో విద్యార్థులు పంచేంద్రియాలలోదృష్టి తప్ప మిగిలిన నాలుగు ఇంద్రియాల శక్తి ఆధారంగా సాధారణ విద్యార్థులతో సమానంగా _ విద్యనభ్యసించడానికి అవకాశం కల్పించబడింది. దృష్టి లోపం గల విద్యార్థుల యొక్క ప్రతి అవసరాన్ని సునిశిత దృష్టితో పరిగణనలోకి తీసుకుని వారు సునాయాసంగా గుర్తించేందుకు అనుగుణంగా ఉందేలా చేసిన కొన్ని మార్పులు చేర్పులు, ఈ పాఠశాల భవనం యొక్క మానసిక పటాన్ని విద్యార్ధులు తమ మస్తిష్కంలో ఊహించుకునేలా సహాయపడుతుంది. సాధారణంగా దృష్టిలోపం ఉన్న వారిలో సంపూర్ణ అంధత్వం కేవలం 15 శాతం మందిలో ఉండగా మిగతా 85 శాతం మంది కాంతిని గుర్తించే పాక్షిక దృష్టి కలిగిఉంటారు.