செவிக்கு மட்டுமின்றி வயிற்றுக்கும் உணவு!

மாணவர்களுக்கு உணவளிக்கும் அரசுப்பள்ளி ஆசிரியர்

- ரம்யா ரவிக்குமார்

குடும்பச் சூழலால், காலை உணவின்றி பள்ளிக்கு எண்ணற்ற அரசு பள்ளி மாணவர்களின் வயிற்றில் பாலை வார்த்திருக்கிறது, முதலமைச்சர் அவர்களின், 'காலை உணவுத் திட்டம்". அரசின் மிகச்சிறந்த முன்னெடுப்பான இந்த அறிவிப்பிற்கு முன்னதாகவே, கிட்டத்தட்ட 2018 ஆம் ஆண்டிலிருந்து, தான் பணியாற்றும் கிராமப்புற பள்ளியில், இத்திட்டத்தை தொடங்கி கடைபிடித்து வரும் ஆசிரியரை பற்றித்தான் இப்போது பார்க்க இருக்கிறோம்.

நான்கு சகோதரர்கள், இரண்டு சகோதரிகள் என்ற பெரிய குடும்பத்தின் கடைசிப் பெண்ணாக பிறந்தவர் ஜெயமேரி ஆசிரியரான தந்தையை சிறுவயதிலேயே இழந்த இவர், தன் தாயாரால், மற்றவர்களுக்கு உதவும் வகையில் ஆசிரியர் பணிக்கு செல்ல வேண்டுமென்று, அப்போதிருந்தே கூறி வளர்க்கப்பட்டவர். அம்மாவின் கனவை நிறைவேற்றி, அரசு பள்ளியில் இடைநிலை ஆசிரியராக பணியாற்றி வரும் ஜெயமேரி அவர்கள், வாசிப்பு மற்றும் எழுத்திலும் ஆர்வம் கொண்டவர். இவர் முதன்முலாக எழுதி, பத்திரிகை ஒன்றில் தேர்ந்தெடுக்கப்பட்ட கட்டுரைக்கு கிடைத்த பரிசுத் தொகையை, அப்படியே ஒரு மாணவருக்கு கல்லூரி கட்டணம் செலுத்த பயன்படுத்தியவர், இந்த சமூகத்திற்கு உதவும் வகையில் தன் எழுத்துப் பணியையும் விடாமல் தொடர்கிறார். அவ்வாறு, இவர் எழுதிய கட்டுரைகள் தொகுக்கப்பட்டு, "மனக் கதவுகள் திறப்போம்" என்ற பெயரில் புத்தகமாகவும் வெளியாகியிருக்கிறது.