കർക്കടകത്തിലെ സൗന്ദര്യസംരക്ഷണം

സൂക്ഷ്മാണുക്കൾ വർധിക്കുന്ന കാലം കൂടിയാണ് കർക്കടകം. ഈ സമയത്ത് പല ചർമരോഗങ്ങൾക്കും സാധ്യതയുണ്ട്; ഒപ്പം ചില സൗന്ദര്യ പ്രശ്നങ്ങൾക്കും. ഇവയെക്കുറിച്ച് അറിയാം, പ്രതിരോധിക്കാം

- ഡോ.രമ്യ പങ്കജാക്ഷൻ അസോസിയേറ്റ്മെഡിക്കൽഡയറക്ടർ രുദ്രാക്ഷആയുർവദികഹോളിസ്റ്റിക്സെന്റർ, പെരിങ്ങാവ്, തൃശ്ശൂർ

ജലം ദുഷിച്ചിരിക്കുന്നതിനാലും വായുവിലെ ഈർപ്പം മൂലവും സൂക്ഷ്മാണുക്കളുടെ വർധനയ്ക്ക് അനുയോജ്യമായ കാലമായതിനാൽ ത്വഗ്രോഗങ്ങൾ ഉൾപ്പെടെ അനേകം രോഗങ്ങൾക്ക് അനുകൂലമായ മാസമാണ് കർക്കടകം. ത്രിദോഷ ദുഷ്ടിമൂലം ശരീരബലം ഏറ്റവും കുറഞ്ഞിരിക്കുന്നത് ഇതിന് ആക്കം കൂട്ടുകയും ചെയ്യുന്നു.

ചർമപ്രശ്നങ്ങൾ

ഫംഗസ് അണുബാധ, എക്സിമ, സ്കാബീസ്, റിങ് വേം അണുബാധകൾ തുടങ്ങിയവ സൂക്ഷ്മരോഗാണുക്കളെ ക്കൊണ്ടുണ്ടാകുന്ന ചർമരോഗങ്ങളിൽ പ്രധാനപ്പെട്ടവയാണ്. വെയിൽ അധികമില്ലാത്ത കാലാവസ്ഥയിൽ ഈർപ്പം കൂടുതലായി നിൽക്കുന്നതു കൊണ്ട് ഉണങ്ങാത്ത വസ്ത്രങ്ങൾ ധരിക്കുന്നതും മഴവെള്ളത്തിൽ നടക്കുന്നതും വഴി ഇത്തരം രോഗാണു ജന്യമായ ചർമരോഗങ്ങൾക്ക് സാധ്യത കൂട്ടും. അല്ലാതെയുള്ള ചർമരോഗങ്ങളുള്ളവർക്കും അണുബാധയ്ക്കുള്ള സാധ്യത കൂടിയ കാലമാണ് മഴക്കാലം. ഈ രോഗങ്ങളെ പ്രതിരോധിക്കാൻ ഇക്കാര്യങ്ങൾ ശീലിക്കാം.

കോട്ടൺ വസ്ത്രങ്ങൾ അലക്കിത്തേച്ച് ഒരുതവണ മാത്രം ഉപയോഗിക്കുക.

വീടും പരിസരവും അപരാജിതധൂപചൂർണം ഉപയോഗിച്ച് പുകയ്ക്കുക.

കുളിക്കുന്ന വെള്ളത്തിൽ ഒരുപിടി ആര്യവേപ്പില, കണി ക്കൊന്നയില എന്നിവയിട്ട് തിളപ്പിക്കുന്നത് അണുനാശ കമാണ്. ചൊറിച്ചിലിനും ഇത് ഫലപ്രദമാണ്.

നിംബാദി, ആരഗ്വധാദി, ദുർവാദി മുതലായ ഔഷധയോഗങ്ങൾ രോഗിയുടെ പ്രകൃതിയനുസരിച്ച് വൈദ്യോപദേശപ്രകാരം ഉപയോഗിക്കാം. വിവിധ മരുന്നുകൾ ചേർത്ത ഔഷധയോഗങ്ങളാണ് മേല്പ റവ. നിംബാദി, ആരഗ്വധാദി എന്നിവ ചൂർണം, കഷായം എന്നീ രൂപങ്ങളിലും ദുർവ്വാദിയാകട്ടെ ഔഷധ വെളിച്ചെണ്ണയായും ലഭ്യമാണ്. സൂക്ഷ്മാണുക്കളെ നശിപ്പിച്ച് ശരീരത്തിന്റെ രോഗപ്രതിരോധശേഷി കൂട്ടി ചർമത്തിന്റെ സ്വാഭാവികത നിലനിർത്താൻ ഇവ സഹായിക്കുന്നു.

ഏലാദി നാല്പാമരാദി, ദിനേശ വല്യാദി മുതലായ ചർമത്തിനും ശരീരപ്രകൃതിക്കും ചേരുന്ന ഔഷധതൈലങ്ങൾ തേച്ച് ചെറുചൂടുവെള്ളത്തിലുള്ള കുളി ശീലമാക്കാം.

പുറത്തുപോയി വന്നാൽ കൈകാലുകൾ അല്പം ഉപ്പ് ചേർത്ത വെള്ളത്തിൽ കഴുകി നേർമയിൽ വെളിച്ചെണ്ണ പുരട്ടുക.

മുക്കുറ്റി ചാന്ത്