ദീർഘനാളായി നടുവേദന? അവഗണിക്കരുത്

ദീർഘനാളത്തെ നടുവേദന അവഗണിക്കരുത്. അത് ആങ്കിലോസിംഗ് സ്പോണ്ടിലൈറ്റിസ് ആവാം.

- - ഡോ. ഗ്ലാക്സൺ അലക്സ് കൺസൾട്ടന്റ് റൂമറ്റോളജിസ്റ്റ് എസ്.യു.ടി. ആശുപത്രി പട്ടം, തിരുവനന്തപുരം

എന്താണ് ആങ്കിലോസിംഗ് സ്പോണ്ടിലൈറ്റിസ്?

ഇത് പ്രധാനമായും നട്ടെല്ലിനെയും ഇടുപ്പെല്ലിനെയും വസ്തിപ്രദേശത്തെ എല്ലുകളെയും ബാധിക്കുന്ന ഒരു വാതരോഗമാണ്. ഇത് ബാധിച്ചാൽ ക്രമേണ നട്ടെല്ലിനു വൈകല്യങ്ങൾ സംഭവിക്കുകയും ക്രമേണ നട്ടെല്ലും കഴുത്തും വളയ്ക്കാനും തിരിക്കാനും കഴിയാതെ വരികയും ചെയ്യാം.

ലോകത്താകമാനം 12 % ആളുകൾ ഈ രോഗബാധിതരാണ്. എന്നാൽ, ഇവയിൽ 70% പേരും തെറ്റായ രോഗനിർണയത്തിൽപ്പെടുകയും ചികിത്സ ലഭിക്കുവാൻ വളരെയധികം കാലതാമസം നേരിടുന്നവരുമാണ്. ഈ രോഗത്തെക്കുറിച്ചുള്ള ശരിയായ അവബോധമില്ലായ്മയും രോഗനിർണയത്തിലെ സങ്കീർണ്ണതയുമാണ് ഇതിന് കാരണം. 

ആരെയാണ് ആങ്കിലോസിംഗ് സ്പോണ്ടിലൈറ്റിസ് ബാധിക്കുന്നത്?

ഈ രോഗം 15-45 വയസ്സിലുള്ള പുരുഷന്മാരിലാണ് അധികവും കാണുന്നത്. എന്നാൽ കുട്ടികളിലും സ്ത്രീകളിലും ഇത് തീരെ വിരളമല്ല. പുതിയ കണക്കുപ്രകാരം 17 ലക്ഷത്തോളം ഇന്ത്യക്കാർ ഈ അസുഖ ബാധിതരാണ്. ജനിതക കാരണങ്ങളും HLA-327 എന്ന ജീനും രോഗം ഉണ്ടാക്കുന്നതിൽ ഒരു പ്രധാന കാരണമാണ്.

എന്തെല്ലാമാണ് ഇതിന്റെ പ്രധാന ലക്ഷണങ്ങൾ?