ആർത്തവവിരാമം: ആനന്ദമാക്കാം

ആർത്തവവിരാമത്തെ പല എഴുത്തുകാരും വീണ്ടും ഒരു ബാല്യം വിശേഷിപ്പിച്ചിരിക്കുന്നത് എന്നാണ്. ഈ പുതിയ ബാല്യത്തിന്റെ പ്രത്യേകത, കൗമാരക്കാരിയെ പോലെയല്ല ജീവിതത്തിൽ ഒരുപാട് അനുഭവ സമ്പത്തും പക്വതയാർന്ന മനസും നമുക്കുണ്ടെന്നതാണ്

52 വയസുള്ള വാസന്തി ജീവിതഭാരമെല്ലാം ഇറക്കി വച്ച് സന്തോഷവതിയായി ജീവിക്കുന്ന സമയമാണ്. പെട്ടന്നാണ് അവരിൽ വല്ലാത്ത ചൂടും ശരീരക്ഷീണവും മാനസികമായ ചില വ്യാകുലതകളും പ്രത്യക്ഷപ്പെട്ടത്. അർബുദം പോലുള്ള മറ്റെന്തെങ്കിലും മാരകരോഗങ്ങളാണ് എന്നുള്ള ഭയത്തോടെയാണ് അവരെന്നെ സമീപിച്ചത്. പരിശോധനകളിലൂടെ മനസിലാക്കാൻ കഴിഞ്ഞത് അവർക്ക് പേടിക്കേണ്ട യാതൊരു അസുഖങ്ങളും ഇല്ലെന്നാണ്. സാധാരണ ഏതു സ്ത്രീയും കടന്നു പോകുന്ന ആർത്തവവിരാമം എന്ന അവസ്ഥയിലൂടെയാണ് അവരും കടന്നുപോകുന്നത്. ഇത് അവരെ പറഞ്ഞു മനസിലാക്കിയപ്പോൾ അവരുടെ മനസിലുണ്ടായ അനാവശ്യ ഭയം മാറി സന്തോഷവതിയായി.

എന്താണ് ആർത്തവവിരാമം?

കൃത്യമായി മാസമുറ വന്നു കൊണ്ടിരിക്കുന്ന സ്ത്രീക്ക് ആർത്തവം ഇല്ലാതാകുന്ന അവസ്ഥയെയാണ് ആർത്തവവിരാമം അഥവാ മെനോപ്പോസ്. ഏകദേശം 45നും 55 വയസിനുമിടയിലാണ് ആവർത്തവവിരാമം സംഭവിക്കുന്നത്. പലരിലും പല രീതിയിലാണ് ഇത് സംഭവിക്കുന്നത്. ചില സ്ത്രീകളിൽ ഓരോ ആവർത്തവ സമയത്തും രക്തംപോക്ക് ക്രമേണ കുറഞ്ഞു വരുന്നു. മറ്റ് ചിലർക്ക് അമിത ബ്ലീഡിംഗ് ഉണ്ടാകാം. ഇതുമല്ലെങ്കിൽ ആർത്തവം തമ്മിലുള്ള അകലം കൂടി വരികയുമാകാം.

ശാരീരിക മാറ്റങ്ങൾ