4 വർഷ ബിരുദം പഠിക്കാൻ...

പഠനത്തിനു ധാരാളം ഓപ്ഷനുകൾ നൽകുന്ന സൗകര്യം

- ബി.എസ്.വാരിയർ

ദേശീയ വിദ്യാഭ്യാസനയം 2020' അനുസരിച്ച്. അണ്ടർ ഗ്രാജുവേറ്റ് ബിരുദപഠനത്തിന്റെ ദൈർഘ്യം 3 വർഷമോ 4 വർഷമോ ആകാം. ഇഷ്ടാനുസരണം കോഴ്സിന്റെ വിവിധ ഘട്ടങ്ങളിൽ വിട്ടു പോകുകയുമാകാം. ഒരു വർഷത്തിനു ശേഷം സർട്ടിഫിക്കറ്റ്, 2 വർഷത്തിനുശേഷം ഡിപ്ലോമ, 3 വർഷത്തിനുശേഷം ബാചിലർ ബിരുദം എന്നിവ നേടാം. എങ്കിലും ഒരു വർഷം കൂടി പഠിച്ച് മറ്റു വിഷയങ്ങളിലടക്കം പ്രാവീണ്യം നേടുന്നതാണ് അഭികാമ്യം. 4 വർഷത്തിനു ശേഷം ബാചിലർ ഡിഗ്രി വിത്ത് റിസർച് നേടുകയുമാകാം.

മാസ്റ്റർ തലത്തിലുമുണ്ട് ഓപ്ഷനുകൾ

• 3 വർഷ ബാചിലർ ബിരുദം നേടിയവർക്ക് 2 വർഷ പ്രോഗ്രാം. ഇതിൽ രണ്ടാം വർഷം ഗവേഷണം മാത്രം. 4 വർഷ "ബാചിലർ ഡിഗ്രി വിത്ത് റിസർച് നേടിയവർക്ക് ഒരു വർഷത്തെ മാസ്റ്റേഴ്സ് പ്രോഗ്രാം. 5 വർഷ ഇന്റഗ്രേറ്റഡ് ബാചിലർഴ്സ്/മാസ്റ്റേഴ്സ് പ്രോഗ്രാം.