സപ്ലൈകോ അസി.സെയിൽസ്മാൻ 'സപ്ലൈ' നിലച്ച് നിയമനം

ലിസ്റ്റ് കാലാവധി പകുതിയായി; നിയമനം വെറും 7.3%

- ഷാജി പൊന്നോല

സിവിൽ സപ്ലൈസ് കോർപറേഷനിൽ അസിസ്റ്റന്റ് സെയിൽസ്മാൻ റാങ്ക് ലിസ്റ്റുകൾ പകുതി കാലാവധി പിന്നിടുമ്പോഴും ഇതുവരെ നടന്നത് 7.3% നിയമന ശുപാർശ മാത്രം.

വിവിധ ജില്ലകളിലായി 16,716 പേരെയാണു റാങ്ക് ലിസ്റ്റിൽ ഉൾ പ്പെടുത്തിയത്. ഇതിൽ 1232 പേർക്കു നിയമന ശുപാർശ ലഭിച്ചു. ആകെ നിയമന ശുപാർശയിൽ 567 എണ്ണം എൻജെഡി ഒഴിവുകളി ലായതിനാൽ യഥാർഥ നിയമനം 665 (4%) മാത്രം. മുൻ റാങ്ക് ലിസ്റ്റുകളിൽനിന്ന് 2914 പേർക്കു നിയമന ശുപാർശ ലഭിച്ചിരുന്നു.