પીંછીથી કરે છે ગંગાનાં દર્શન...રંગોથી કાશીની યાત્રી

કળા આમ તો એમને ગળથુથીમાં મળી. નાનપણમાં અનેક પેન્ટિંગ્સ કર્યો, પણ એક વરસાદે એમની ચિત્રકળા પર પાણી ફેરવી દીધું. વર્ષો પછી પ્રોફેસર તરીકેની કારકિર્દી બનાવ્યા બાદ એમણે ચિત્રયાત્રાનો કર્યો પુનઃ આરંભ.

- જ્વલંત છાયા

અનન્યા જયશ્રી વિઠલાણી નાયક

ગંગામાતાના વિશાળ પ્રવાહમાં નૌકાવિહાર થતો હોય, પક્ષી ઊડાઊડ કરતાં હોય, સૂર્યોદય કે સૂર્યાસ્તના સમયે કોઈ સાધુ ઘાટ પર બેઠા હોય કે ગંગાજીમાં જાત ઝબોળતા હોય એવાં દશ્યો જોઈએ ત્યારે કોઈએ બોલવા કે લખવાની જરૂર ન પડે... આ વારાણસીનો ગંગાઘાટ છે.