સૌંદર્યની ઘેલછામાં સાદગીની ઉપેક્ષા

સુંદરતા જોનારની આંખોમાં વસે છે આ ઉક્તિનો છેદ ઊડતો હોય તેવો ઘાટ આજના સમયમાં જોવા મળી રહ્યો છે. સુંદરતાને નિખારવાની લ્હાયમાં યુવતીઓ અવરગ્લાસ ફિગર મેળવવા માટે જાતજાતના પ્રયોગો કરતી હોય છે. જિમમાં જવું, ડાયેટ કરવું, કોસ્મેટિક સર્જરી કરાવવી વગેરે. જ્યાં સુધી મર્યાદામાં બધું કરવામાં આવે ત્યાં સુધી વાંધો નથી આવતો, પણ સમજદારી પર જ્યારે ઘેલછાનું આવરણ ચઢે ત્યારે મુશ્કેલી ઊભી થતી હોય છે. અવાસ્તવિક સુંદરતાના માપદંડો દેખીને મહિલાઓ અંજાઈ જતી હોય છે. તે પોતે ફોટામાં રહેલી મોડેલ જેવી દેખાવા માટે જાતજાતની મેકઅપ પ્રોડટ્સ ખરીદતી હોય છે

તાજેતરમાં જ ભારતની ત્રીજી મિસ યુનિવર્સ તરીકે પંજાબની મિસ હરનાઝ સંધુએ આ ખિતાબ જીતીને આપણું ગૌરવ વધાર્યું. તેથી હવે ભારત દેશમાં બ્યુટી અને કોમેટિક્સમાં વધુ ક્રેઝ દેખાય તો નવાઈ નહીં. અગાઉ આવા ખિતાબો પછી માર્કેટમાં બ્યુટી પ્રોડટ્સની ખરીદીમાં ઉછાળો નોંધાયો હતો.