Akram Youth Gujarati - દુનિયામાં કોઈ ઠેકાણાવાળું છે નહી... | November 2013 | અક્રમ યુથ

In dieser Ausgabe

"મિત્રો,
આપણે ઘણીવાર અનુભવતા હોઈએ છીએ કે આપણી સવાર જ કચકચ સાથે પડે. અને ઉઠતાં વેંત જ જ્યારે કચકચ થાય ત્યારે પછી આખો દિવસ કેવો જાય ? એવું લાગે જાણે એ દિવસ આપણા માટે ભેખ લઈને ઉગ્યો હોય કે આજે તો આમના કોઈ કામ થવા જ નથી દેવા. પરિણામે અકળામણ, દોષારોપણ, બોલા-ચાલી અને વઢંવઢાની શૃંખલા સર્જાઈ જાય. બધાનું બધું ઉંધું જ દેખાય. રાત પડતાં તો આપણને પ્રશ્ન થઈ જાય કે આજે ઉઠતાં વેંત મેં કોનું મોઢું જોયું હશે ? લો... આમાં પણ સામા પર જ પ્રહાર.. જાણે પોતે બધી રીતે દૂધના ધોયેલા હોય !
થાય ને આવું ? આવું તો ક્યારેક ક્યારેક મોટા જ્ઞાનીઓ સાથે પણ થતું હોય છે. ત્યારે તેઓ કઈ સમજણ સાથે જીવતા હશે ? એની સુંદર વાતો આ અંકમાં મૂકાઈ છે.
આજના ઝડપી યુગમાં, ચારેકોર ચાલતા કોલાહલમાં, શાંતિ શોધવી મુશ્કેલ થઈ પડે છે. અને એ એટલે મુશ્કેલ થઈ પડે છે કારણ કે આપણે ખરી શાંતિનો અર્થ નથી જાણતા. ખરી શાંતિ કોને કહેવાય છે એ દર્શાવતી નાનકડી ચિત્રકથા ગૂઢ બોધ આપી જાય છે.
આ સિવાય નિર્દોષ આનંદ આપતું ઘણું બધું આમાં છે જે વાંચતાં જ તમને હળવા ફૂલ કરી દેશે.
"