Akram Youth Gujarati - રહો અસરમુક્ત | January 2016 | અક્રમ યુથ

In dieser Ausgabe

મિત્રો, આપણે સૌ ૨૦૧૫ની સાલને વિદાઈ આપી અને ૨૦૧૬ના નવા વર્ષમાં પ્રવેશ કરી ચૂક્યા છીએ. વીતેલા વર્ષમાં ઘણા બધા સારા-નરસા, ગમતા-અણગમતા, ધારેલા-અણધારેલા પ્રસંગો આપણા જીવનમાં આવ્યા હશે, જેમાં ક્યારેક આપણે ખૂબ સુખ અનુભવ્યું હશે અને ક્યારેક દુઃખ પણ અનુભવ્યું હશે. પરંતુ એ બધુંજ આવ્યું અને ગયું. ૨૦૧૬ની સાલમાં પણ આવા ઘણા પ્રસંગો જીવનમાં આવશે અને જશે. મહદ્‌અંશે, આપણે વીતેલા સંજોગોની પક્કડમાંથી છૂટી શકતા નથી. આપણે સૌ જાણીએ છીએ કે, નિરંતર વેહતા રેહવું એ સમયનો સ્વભાવ જ છે, પરંતુ આ ત્રિકાળ સત્યને સ્વીકારી અને સમયના વહેણમાં વહેતી જીદંગીની નાવને કેવી રીતે સ્થિર રાખવી એ સમજણ ફીટ કરવામાં આપણે ઘણી વખત કાચા પડી જઈએ છીએ. આ અંકમાં આપણે નિરંતર બદલાતા રહેતા જગતના સ્વરૂપને, કે જેને જ્ઞાની “જગત પોલંપોલ” તરીકે ઓળખાવે છે, તેમાં હંમેશા ખુશ રહેવાની કળા કેવી રીતે ગોઠવવી તે સમજવાની દ્રષ્ટિ કેળવીશું તથા જીવનમાં આવતી ગમ્મે તેવી કપરી પરિસ્થિતિમાં પણ હિંમત ન હારી અને આગળ વધનારા અમુક પ્રેરણાદાયી વ્યક્તિઓના જીવન પ્રસંગો નિહાળીશું. ૨૦૧૬નું નવું વર્ષ આપ સૌના જીવનમાં ખૂબ ખુશીઓ લાવે અને સાથે સાથે ગમ્મે તેવી પરિસ્થિતિમાં પણ ખુશ રેહવાની ખુમારી આપે એવી શુભેચ્છા.