സന്തുലിത ആഹാരം

പപ്പായ(ഓമപ്പഴം) ഓറഞ്ച് പേരയ്ക്ക കുടമുളക്

- എ.കെ

നമ്മുടെ ആരോഗ്യം നിലനിർത്താൻ സന്തുലിതമായ പോഷകാഹാരം അത്യന്താപേക്ഷിതമാണെന്ന് നമുക്കെല്ലാവർക്കും അറിയാവുന്ന കാര്യമാണ്. സന്തുലിത ആഹാരം എന്നാൽ എത്രയാണ് എന്നതിലാണ് പലർക്കും സംശയം. നിശ്ചിത അളവ് പ്രോട്ടീൻ, കൊഴുപ്പുസത്ത്, ധാതുസമ്പത്ത്, മറ്റുള്ള വൈറ്റമിനുകൾ എന്നീ സത്തുക്കൾ ചേർന്നതാണ് സമീകൃത പോഷകാഹാരം അഥവാ സന്തുലിതമായ ആഹാരം. എല്ലാ സത്തുക്കളും ആവശ്യമെങ്കിലും ശരീരത്തിലെ സെല്ലു(കോശങ്ങ ളുടെ വളർച്ചയ്ക്ക് പോഷകാഹാരം അത്യാവശ്യമാണ്. ജലത്തിൽ അലിഞ്ഞുപോകുന്ന വിറ്റാമിനാണ് വിറ്റാമിൻ സി. വിറ്റാമിൻ ഡിയെപ്പോലെ ഇത് നമ്മുടെ ശരീരം സ്വയം ഉൽപ്പാദിപ്പിക്കുന്നില്ല.

ജലത്തിൽ അലിഞ്ഞുപോകുന്നതു കൊണ്ട് വിറ്റാമിൻ സിയെ സംഭരിച്ചു വയ്ക്കാനുമാവില്ല. അതുകൊണ്ട് മുതിർന്നവർ ദിവസവും 60 മില്ലി ഗ്രാം അളവിൽ വിറ്റാമിൻ സി കഴിക്കേണ്ടതാണ്. ചെറുനാരങ്ങ, നെല്ലിക്ക എന്നിവയിൽ വിറ്റാമിൻ സി ധാരാളം അടങ്ങിയിട്ടുണ്ട്. രോഗ പ്രതിരോധത്തിനും ശരീരത്തിൽ ‘കൊളോജിൻ' എന്ന പ്രോട്ടീൻ ഉൽപ്പാദനത്തിനും വിറ്റാമിൻ സി വളരെ അത്യന്താപേക്ഷിതമാണ്.