പത്തരമാറ്റ് തിളക്കം

ഒരു കുടുംബിനിയായി ജീവിതം തുടങ്ങുകയും പരീക്ഷണങ്ങളും പ്രതിസന്ധികളും അതിജീവിച്ച് കൂടുതൽ ശോഭയോടെ ബിസിനസ്സ് ബിസിനസ്സ് രംഗത്ത് തനതുസ്ഥാനം കൈവരിച്ച് സംരംഭകയായി വിളങ്ങുന്ന പ്രീതി പറക്കാട്ട് ‘മഹിളാരത്നത്തിനോടൊപ്പം...

- ശരത് സുബ്രഹ്മണ്യൻ

ഒരു സ്ത്രീ എന്ന നിലയിൽ സ്വന്തം വിജയം എന്നത് ആഘോഷിക്കാൻ വകയുള്ളത് തന്നെയാണ്. ശരിയല്ലേ? ഒരു സ്ത്രീയുടെ വിജയമെന്നാൽ അത് വ്യക്തിപരമായി കണക്കാക്കാനുള്ളതല്ല. ഒരു കൂട്ടായ്മയുടെ വിജയമാണത്. അപ്പോൾ ഇതെന്റെ മാത്രം വിജയമല്ല. പറ ക്കാട്ട് കുടുംബത്തിന്റെ വിജയമാണ്. എന്റെയൊപ്പം ബിസിനസ്സിന്റെ ഉയർച്ചയ്ക്കായി നിൽക്കുന്ന ഓരോരുത്തരുടെയും വിജയമായിത്തന്നെ ഞാനത് കണക്കാക്കുന്നു.

പ്രതിസന്ധികൾ മറികടന്നുള്ള ഒരു വിജയം തന്നെയായിരുന്നില്ലേ ഇത്? പ്രതിസന്ധികൾ ജീവിതത്തിന്റെ ഭാഗമാണ്. അത് നമുക്കെല്ലാം ഉണ്ടാകും. പ്രതിസന്ധികളിൽ തളർന്നുപോയാൽ അതാവും നമ്മുടെ ഏറ്റവും വലിയ പരാജയം. പ്രതിസന്ധികളെ എങ്ങനെ നോക്കിക്കാണുന്നു എന്നുള്ളതാണ് പ്രധാനം. എന്നെ സംബന്ധിച്ചിടത്തോളം ഓരോ പ്രതിസന്ധിയും ഞാൻ കാണുന്നത് ഒരു ത്രില്ലോടുകൂടിയാണ്. ഒരു പോസിറ്റീവ് സ്പിരിറ്റിലാണ് ഞാൻ ഓരോ കടമ്പകളെയും കണക്കാക്കുന്നത്. പ്രതിസന്ധിയെ എല്ലായ്പ്പോഴും വിജയത്തിന്റെ ചവിട്ടുപടിയായി കാണുന്നു.

ഒരു സംരംഭക എന്ന നിലയിൽ എങ്ങനെയായിരുന്നു ഈ തുടക്കം? തുടക്കം എം.ബി.എകാരിയായ ഒരു സാധാരണ കുടുംബിനിയായിട്ടായിരുന്നു. ബിസിനസ് എന്ന ആശയം എല്ലാ പോഴും എന്റെ മനസ്സിലുണ്ടായിരുന്നു. മക്കളും ഭർത്താവും ഒരുമിച്ചുള്ള സന്തോ ഷപൂർണ്ണമായ കുടുംബജീവിതം നയിക്കുകയും ഇണക്കങ്ങളും പിണക്കങ്ങളുമെല്ലാം താണ്ടി മക്കൾ പ്രാപ്തിയായതി നുശേഷമാണ് ഞാനെന്റെ ബിസിനസ് സ്വപ്നത്തെക്കുറിച്ച് ചിന്തിക്കുന്നത്. ഒരിക്കലും ബിസിനസ്സുകാരി ആവുക ആയിരുന്നില്ല. മുൻപിലുള്ള ഏറ്റവും വലിയ സ്വപ്നം. ഒരു മാനേജർ പോസ്റ്റിലിരുന്ന് ജോലി ചെയ്യുക എന്നതായിരുന്നു അന്നത്തെ ആ എം.ബി.എക്കാരിയുടെ ആഗ്രഹം. അന്നത്തെ എന്നെ ഇന്നത്തെ ഒരു ബിസിനസ്സുകാരിയാക്കി തീർത്തത് ഭർത്താവിന്റെ ആശയം ഒന്നുകൊണ്ടുമാത്രമാണ്. ഭർത്താവിൽ നിന്ന് ബിസിനസ്സിന്റെ ആദ്യപാഠങ്ങളെല്ലാം പഠിച്ചുകൊണ്ടാണ് ഞാൻ ഈ രംഗത്ത് തുടക്കം കുറിക്കുന്നത്.

കുടുംബത്തിന്റെ പിന്തുണ എത്രത്തോളമാണ്?