I am Single & Happy

പേരിലും ലുക്കിലുമെല്ലാം മലയാളത്തനിമയുള്ള ഒരു നായികനടി. മുഖശ്രീയുടെ കാര്യത്തിൽ നിറഞ്ഞുനിൽക്കുന്ന സൗന്ദര്യം. ഒരു ബ്രേക്കിന് ശേഷം മലയാളത്തിന്റെ പ്രിയനടി നന്ദിനി തന്റെ വിശേഷങ്ങൾ പങ്കുവയ്ക്കുന്നു.

- ശരത് സുബ്രഹ്മണ്യം

പേരിലും ലുക്കിലുമെല്ലാം മലയാളത്തനിമയുള്ള ഒരു നായികനടി. മുഖശ്രീയുടെ കാര്യത്തിൽ നിറഞ്ഞുനിൽക്കുന്ന സൗന്ദര്യം. ഒരു ബ്രേക്കിന് ശേഷം മലയാളത്തിന്റെ പ്രിയനടി നന്ദിനി തന്റെ വിശേഷങ്ങൾ പങ്കുവയ്ക്കുന്നു.

എവിടെയായിരുന്നു ഇത്രനാൾ?

മനപ്പൂർവ്വം ബ്രേക്ക് എടുത്തതല്ല. ഒരു ഇടയ്ക്ക് ഒരു സിനിമ ചെയ്തിട്ടുണ്ടായിരുന്നു. പക്ഷേ അത് റിലീസായിട്ടില്ല. അതിനുമുമ്പുതന്നെ എനിക്ക് കുറച്ച് ആരോഗ്യപ്രശ്നങ്ങൾ ഉണ്ടായിരുന്നു. അതുകാരണം കൊണ്ടാണ് സിനിമകളൊന്നും ചെയ്യാൻ കഴിയാതിരുന്നത്.

നന്ദിനിയെപ്പറ്റി പറയുമ്പോൾ മലയാളികളെല്ലാവരും ഒരേ സ്വരത്തിൽ വിശേഷിപ്പിക്കുന്നത് നല്ല മുഖശ്രീയുളള നായികയെന്നാണ്. ഈ ഒരു പ്രശംസ മലയാളികളിൽ നിന്ന് കേൾക്കുമ്പോൾ എന്താണ് തോന്നാറുളളത്?

ഞാൻ ചെയ്ത കഥാപാത്രങ്ങൾ വെച്ചുകൊണ്ടാണ് പ്രേക്ഷകർ ഇത്തരത്തിലൊരു വിശേഷണം എനിക്ക് നൽകിയത് എന്നാണ് തോന്നുന്നത്. അതിലൊക്കെ ഒരുപാട് സന്തോഷമുണ്ട്. മലയാളി പ്രേക്ഷകർ എനി ക്കെന്നും പ്രിയപ്പെട്ടവരാണ് അവരെ ഞാൻ എനിക്ക് കിട്ടിയ ഭാഗ്യമായി തന്നെയാണ് കരുതുന്നത്.

മുഖസൗന്ദര്യത്തെപ്പറ്റി പറയുമ്പോൾ മലയാള നടികളായ കാവ്യാമാധവൻ, അനുസിതാര എന്നിവരെയും നന്ദിനിയെയും ഒക്കെ ഒരേപോലെ താരതമ്യം ചെയ്യാറുണ്ട്. കേരളത്തിൽ നിന്നുളള പുരുഷ ഫാൻസ് വളരെ കുടുതലാണെന്ന് എപ്പോഴെങ്കിലും തോന്നിയിട്ടുണ്ടോ? അങ്ങനെ എനിക്ക് തോന്നിയിട്ടില്ല. കേരളത്തിൽ എനിക്കെപ്പോഴും ഒരു ഹോംലി ഫീലാണ് അനുഭവപ്പെടാറ്. പക്ഷേ സോഷ്യൽ മീഡിയകളിലും മറ്റും എനിക്ക് അധികം മെസ്സേജുകളും വരാറുള്ളത് ആൺകുട്ടികളുടെ അക്കൗണ്ടുകളിൽ നിന്നുമാണ്.