ન્યુયર માં આ રીત બદલો ઈન્ટીરિયર

નવા વર્ષે તમે પણ ઘરને નવો લુક આપીને ઘર ફર્નિચર મુક્ત કરો અને ઈન્ટીમસી વધારો...

- નસીમ અંસારી

નવા વર્ષ દરેક વ્યક્તિ કંઈ ને કંઈ નવું કરવા ઈચ્છે છે, તેમાં ખાસ તો ગૃહિણી ઘરની સજાવટને જોઈને ખૂબ ચિંતિત રહે છે. તે વિચારે છે કે નવા વર્ષે એવું તે શું કરવું, શું બદલી નાખવું કે ઘરના દરેક ખૂણામાં નવીનતાનો અહેસાસ થાય? સૌથી ખાસ હોય છે ઘરનો ડ્રોઇંગરૂમ, જેમાં બહારના લોકો અને અંગત લોકો બેસતા હોય છે.

તેઓ ડ્રોઇંગરૂમના લુકને જોઈને ગૃહિણીની પસંદ, તેની સુઘડતા અને ક્રિએટિવિટીનો અંદાજ લગાવે છે. તેથી મોટાભાગની મહિલાઓ નવા વર્ષ નવા સોફા, નવા પડદા, નવા ગાલીચા ખરીદીને ડ્રોઇંગરૂમના લુકને બદલવા ઉત્સાહિત રહે છે. તેઓ ઈન્ટીરિયર ડેકોરેટર્સ સાથે પણ વારંવાર ચર્ચા કરે છે  અને તેમની સલાહ લે છે. જોકે આ બધામાં તેમને સારા એવા પૈસા ખર્ચવા પડે છે.

નવા વર્ષે ઘરમાં ચેન્જ લાવો. તેમાં ન માત્ર તમારા પૈસાની બચાઓ, પરંતુ ઘરનો લુક એવો બદલો કે લોકો તમારી કાર્યકુશળતા અને કલાત્મકતાના વખાણ કરતા ન થાકે. તેની સાથે તમારા ઘરનો આ નવો લુક તમારા સગાંસંબંધી વચ્ચેના સંબંધને વધારે ગાઢ બનાવશે. તમે પણ પરસ્પર આત્મીયતાનો અનુભવ કરશો. તો આવો જાણીએ, શું છે આ નવો અંદાજ :

રૂમની શોભા

સામાન્ય રીતે મધ્યમવર્ગીય અથવા ઉચ્ચવર્ગીય ઘરમાં પ્રવેશ કરતા સુંદર ફર્નિચર, પડદા, શોપીસ વગેરેથી સુસજ્જ ડ્રોઈગરૂમ નજરે પડે છે. બંગલા અથવા હવેલીમાં પણ પહેલા બેઠક રૂમ સુંદર સોફાસેટ અને સેન્ટ્રલ ટેબલથી સજાવેલો જોવા મળે છે. બારી-દરવાજા પર સુંદર પડદા, સાઈડટેબલ પર શો-પીસ, ફ્લાવર પોટ અથવા ઈન્ડોર પ્લાંટ્સ પણ રૂમની શોભા વધારે છે.

આજકાલ ટૂ બીએચકે અને થ્રી બીએચકે ફ્લેટમાં એક વિશાળ હોલમાં પાર્ટિશન કરીને સામેની તરફ ડ્રોઈંગરૂમ અને પાછળની તરફ ડાઈનિંગ રૂમ બનાવવામાં આવે છે. ક્યાંક ક્યાંક આ બંને પોર્શન વચ્ચે એક પાતળો પડદો લગાવીને બે ભાગ કરવામાં આવે છે, તો ક્યાંક ક્યાંક લોકોને તેની જરૂરિયાત નથી અનુભવાતી. ડ્રોઈંગ રૂમ અને ડાઈનિંગ એક જ હોલમાં હોય છે.