લોકઅપમાં જ આરોપીએ દિવાસળી ચાંપી આગ લગાવી આત્મહત્યાનો પ્રયાસ કર્યો

આરોપીને ચેક કરી લોકઅપમાં મૂક્યો હતો તો તેની પાસે માચીસ ક્યાંથી આવી તે પ્રશ્ન દરિયાપુર પોલીસે આરોપી સામે ફરિયાદ નોંધી તપાસ શરૂ કરી

શહેરના દરિયાપુર વિસ્તારમાં રહેતા યુવકની પોલીસે અટકાયત કરી હતી અને પછી તેને ચેક કરી લોકઅપમાં મૂક્યો હતો. જો કે, મોડી રાત્રે યુવકે લોકઅપમાં જ દિવાસળી ચાંપી શર્ટ સળગાવી આત્મહત્યાનો પ્રયાસ કર્યો હતો. જો કે, પોલીસે તેને બચાવી લીધો હતો. ત્યારબાદ તેની સારવાર કરાવી ફરી લોકઅપમાં મૂક્યો હતો. પરંતુ પ્રશ્ન એ થાય છે કે, આરોપીને ચેક કરી લોકઅપમાં મૂક્યો હતો તો તેની પાસે માચીસ ક્યાંથી આવી.