இலங்கைக்கு தப்பிச் செல்ல முயன்ற இலங்கை தம்பதி உட்பட 8 பேர் கைது

தனுஷ்கோடி கடல் வழியாக படகில் சட்டவிரோதமாக இலங்கைக்கு தப்பிச் செல்ல முயன்ற இலங்கை தம்பதி இருவர் மற்றும் இலங்கைக்கு தப்பிச் செல்ல உதவிய ஆறு பேர் என 8 பேரைக் கைது செய்த தங்கச்சிமடம் பொலிஸார் தீவிரமாக விசாரணை நடத்தி வருகின்றனர்.

- ரொசேரியன் லெம்பட்

ராமநாதபுரம் மாவட்டம் வேதானை பகுதியைச் சேர்ந்த சைபுல்லா நவீத், இம்ராள், நைனா முகமது, ரகுமாள் உள்ளிட்ட நான்கு பேர் செவ்வாய்க்கிழமை (30) இரவு தங்கச்சி மடம் பேருந்து நிலையத்தில் நின்று பேசிக் கொண்டிருந்தனர், அவர்கள் நால்வர் மீதும் முன்னதாக இலங்கைக்கு ஆட்களை சட்டவிரோதமாக அனுப்பி வைத்த வழக்கு நிலுவையில் உள்ள நிலையில் சந்தேகமடைந்த இரவு ரோந்து பணியில் ஈடுபட்டிருந்த தங்கச்சிமடம் பொலிஸார் நால்வரையும் பிடித்து விசாரித்தனர்.