முதலமைச்சரின் காலை உணவு வழங்கும் திட்டம் குறித்து ஆய்வுக்கூட்டம்

நீலகிரி மாவட்ட ஆட்சியர் கூடுதல் அலுவலகத்தில், ஊரக வளர்ச்சி மற்றும் ஊராட்சித்துறை மகளிர் திட்டம், தமிழ்நாடு மாநில ஊரக வாழ்வாதார இயக்கம் சார்பில் முதலமைச்சரின் காலை உணவு வழங்கும் திட்டம் சமையல் செய்யும் சுய உதவிக்குழு உறுப்பினர்கள் மற்றும் ஊராட்சி அளவிலான கூட்டமைப்பு நிர்வாகிகளுக்கான ஆய்வு கூட்டம் மாவட்ட ஆட்சியர் அம்ரித் தலைமையில் நடைபெற்றது.

இக்கூட்டத்தில் மாவட்ட ஆட்சித்தலைவர் தெரிவித்ததாவது:

தமிழ்நாடு முதலமைச்சர் அரசு பள்ளிகளில் பயிலும் ஏழை குழந்தைகளின் கல்வி ஊக்குவிக்கவும், ஊட்டச்சத்து குறைபாட்டினை போக்கிடும் நோக்கத்திலும், ஊட்டச்சத்து நிலை உயர்த்தவும், இரத்தசோகை குறைப்பாட்டினை நீக்கவும், பள்ளிகளில் குழந்தைகளின் வருகையை அதிகரிக்கவும், பணிக்கு செல்லும் தாய்மார்களின் பணிச் சுமையை குறைக்கும் நோக்கிலும், 1 முதல் 5 ஆம் வகுப்பு வரை பயிலும் மாணவ, மாணவியருக்கு காலை சிற்றுண்டி வழங்குப்படும் என ஆணையிட்டார்கள்.